20 нче октябрь- Халыкара пешекчеләр көне буларак билгеләп үтелә. Шул уңайдан, безгә тәмле ашлар пешерүче Рәйсә, Чулпан, Ләйлә апаларны котладык.

Интернет безнең тормышыбызның аерылгысыз өлешенә әверелде. Ләкин глобаль челтәрдә куркынычсызлык барлык өлкәннәргә дә, балаларга да кагыла. Информатика укытучысы Гарипова Г.К. Интернет челтәрендә куркынычсызлык дәресе уздырды. Балаларга челтәрдә эшләгәндә төрле алдаулардан һәм мошенниклыктан саклануның төп кагыйдәләре, Бөтендөнья пәрәвезенең мөмкин булган куркынычлары һәм янаулары турында сөйләде. Цифрлы технологияләрне куркынычсыз куллану турында киңәшләр бирелде. 

ЮИД отряды укучыларның киемнәрендә, сумкаларында яктылык кайтаргыч элементлар бармы-юкмы икәнлеген тикшерделәр.

Узып баручы атнаның якшәмбесендә илебез күләмендә Әтиләр көне билгеләп үтеләчәк. 2021 елда Россия Президенты Владимир Путин билгеләве буенча беренче тапкыр бәйрәм ителгән әлеге көн, быел дүртенче тапкыр бар әтиләргә дә кадер-хөрмәт күрсәтәчәк. Шул уңайдан 5-6 нчы сыйныфлар өчен "Әтиемә бүләк" дип аталган осталык дәресе үткәрелде.

Профсоюз җитәкчесе Габидуллина Надежда Анатольевна профсоюз эшчәнлеге турындагы стендны яңартты.

Өлкәннәр декадасы уңаеннан мәктәбебездә әби-бабайларыбызга "Өебезнең яме- син!" дип исемләнгән бәйрәм кичәсе үткәрелде. Шулай ук, әлеге бәйрәмгә махсус хәрби операциядә катнашкан авыллашларыбызның гаиләләре дә чакырылды.

Укытучылар көне уңаеннан мәктәптә бүген үзидарә көне булып узды. 8-9 нчы сыйныфлар-мәктәбебезнең Алдынгылары - үзләрен укытучы ролендә сынап карадылар. Линейкада тантаналы рәвештә укытучыларны котлап, аларга диплом тапшырдылар. Дәресләрне укыганнан соң, укытучыларга бәйрәм концерты тәкъдим иттеләр. Бәйрәм бик күңелле узды.

"ЯРМИНКӘ-2025!"
3 нче октябрь көнне мәктәбебездә көзге ярминкә булып узды. Укучылар әти-әниләре ярдәме белән пешерелгән, ясалган ризыкларны сатуга куйдылар. Шулай ук әлеге эшкә укытучылар да катнашты.

2 нче октябрь көнне мәктәбебездә ЮХИДИ идарәсе хезмәткәре Лилия Мөхәммәтовна һәм ПДН хезмәткәре Алина Николаевна чыгыш ясап киттеләр.
Алар укучыларны юл йөрү һәм мәктәптә үз-үзеңне тоту кагыйдәләре белән таныштырдылар.

Арбор җәмгыяте призына ел саен үткәрелүче көрәш бәйгесе быел да матур гына үтеп китте. Димәк, көрәш сезоны ачылды. Ел буена егетләребезгә уңышлар телибез.