"ГУМАНИТАР ЯРДӘМ ҖЫЮ" АКЦИЯСЕ!
Әлеге акциядә укучылар, әти-әниләр, укытучылар, мәктәп хезмәткәрләре катнашты. Куелган коробкаларга җылы киемнәр, шәхси гигиена предметлары, көнкүреш кирәк-яраклары, азык-төлек салынды.
Без һәрвакыт ярдәм күрсәтергә әзер!

5 октябрь – Бөтендөнья укытучылар көне
Шушы уңайдан мәктәбебездә бүген бәйрәм кичәсе булып узды. Укучылар үзләре әзерләгән концерт номерларын укытучыларыбызга, өлкәннәребезгә тәкъдим иттеләр.
Шулай ук, мәктәбебездә бу көнне укучылар укытучыларны ял иттерделәр, ягъни, Үзидарә көне булды. Бик күңелле һәм мавыктыргыч бәйрәм булды!
Кадерле мөгаллимнәр! Сезне ихластан һөнәри бәйрәмегез белән тәбрик итәбез! Сезгә исәнлек-саулык, тырыш укучылар, гаиләгезгә иминлек телибез. Сезнең хезмәт бәяләп бетергесез кирәкле, файдалы, җаваплы. Эшегездә зурдан-зур уңышлар юлдаш булсын! Барысы өчен дә рәхмәт сезгә!

Мәктәпнең ЮИД отряды 1 нче сыйныф укучылары өчен "Хәзер сез дә җәяүле" дигән таныштыру дәресе үткәрде. Аларны үз эшчәнлекләре, ирешкән уңышлары белән таныштырдылар, юлда йөрү кагыйдәләрен исләренә төшерделәр.

1нче октябрь- Халыкара өлкәннәр көне буларак билгеләп үтелә. Бу бәйрәм барлык өлкән яшьтәге кешеләргә намуслы хезмәтләре, гаять зур тормыш тәҗрибәләре, игелекләре, зирәклекләре өчен тирән ихтирам һәм рәхмәт сүзләре әйтергә мөмкинлек бирә.
Советник Нотфуллина Р.И. 5 нче сыйныф белән әби-бабайларына, күп еллар мәктәбебездә хезмәт куеп, лаеклы ялда булучы өлкән укытучыларга үз куллары белән бүләкләр ясадылар.

28 сентябрь көнне мәктәбебездә өмә булып узды. Укучылар яшелчәләрне, чәчәк орлыкларын җыйдылар. Бик күңелле булды!

26 сентябрь көнне мәктәбебезгә Хадеева Л. М. белән Галимзянова А. Б. килделәр. Алар укучыларны утәлергә тиешле кагыйдәләр белән таныштырдылар, инструктаж уткәрделә

Китапханәдә 8-9 сыйныф укучылары өчен"Авыл яши" проекты кысаларында чара үтте. Укучылар авылларны саклап калуга, яшәтүгә юнәлдерелгән проект белән таныштылар. Үзләренең белемнәрен "Во саду ли, в огороде" интеллектуаль уенында сынап матур, тулы җаваплар бирә алдылар.

Бүген бөтен мәктәп белән кросста канаштык.

"Россия - мои горизонты" профориентацион дәресләр циклының бүгенгесе укучыларның һөнәр сайларга әзерлеген билгеләүгә багышланды. Сыйныф җитәкчеләре махсус сайтта бирелгән материалны кулланып дәрес үткәрделәр.

Бу көннәрдә мәктәп шау-гөр килеп тора, чөнки сайлау алды кампаниясе эшли. Кандидатлар Иделия һәм Әнәскә уңышлар телибез