Район сакчыллык бүлегендә эшләүче егетләр укучылар белән очрашуга килделәр һәм саклану кагыйдәләре буенча  мастер класс күрсәттеләр. Алтындай вакытларын кызганмыйча бу чарага килгән егетләргә, җитәкчеләре Хәйретдинов Айдар Фоат улына укучылар һәм укытучылар исеменнән зур рәхмәтебезне җиткерәбез.

Бөек Җиңүнең 70 еллыгы якынлашкан көннәрдә укучылар тыл ветераннарына аеруча игътибарлы булырга тырышалар: тимурга барып, карларын көрәп кайталар. Шулай ук авыл уртасындагы һәйкәлне дә чистартып, тәртипләп тоталар.

3 нче сыйныф җитәкчесе Әхмәтҗанова А.Ш. Бөек Җиңүнең 70 еллыгына багышлап "Ленинградның бөек батырлыгы" темасына тәрбия дәресе үткәрде.

15 февраль- Әфганстаннан совет гаскәрләрен чыгару көне уңаеннан авылдашыбыз Тәлгать абый каберенә венок куйдык.

Бөек Җиңүнең 70 еллыгына багышлап һәм оборона-масса, спорт айлыгы кысаларында 5-9 сыйныф егетләре өчен "Замана егетләре" конкурсы үткәрелде.

Спорт айлыгы кысаларында мәктәп күләмендә ату ярышлары бара.

IT - чемпион конкурсында җыйган балларына  Әсхәт белән Язгөл бүләк алдылар.

"Татарстанныӊ чаӊгы юлы-2015" кысаларында мәктәп буенча чаңгы ярышлары үткәрелде.  Барлыгы 57 кеше чаңгыга  басты. Башлангыч сыйныф укучылары спорт площадкада, калганнар төп чаңгы трассасында шудылар.

2 февраль - Сталинград янындагы сугышларда җиңү көне. Шушы датага багышлап Бөек Җиңүнең 70 еллыгы кысаларында сыйныфларда тәрбия дәресләре үткәрелде.