5 нче сыйныф укучыларына "Сугыш корбаннары" исеме астында тәрбия сәгате үткәрелде. Шулай ук "Үлемсез полк" акциясендә катнашу өчен дә укучылар үзләренең бабалары, туганнары турында истәлекләрне  барлап бетерделәр.

7 сыйныф укучысы Гарипова Гөлсөя Бөек Ватан сугышы, Җиңү темаларына багышлап "Могҗизалар кыры" уенын презентация формасында эшләде һәм районда үткәрелгән конкурста актив катнашты.

6 сыйныф укучылары белән Ботаниклар бәйгесе үткәрелде. Укучыларның тапкырлыгы, зирәклеге сыналды, аларга өстәмә мәгълүмат бирелде.

Татарстанның атказанган тренеры Васыйл Гарифуллин истәлегенә 1999 елгы һәм аннан яшьрәк укучылар арасында узган татар-башкорт милли спорт көрәше ярышларында  укучыларыбыз актив катнашты һәм бүләкләнде.

Табигать фәннәре атналыгы кысаларында 7-8 сыйныф укучылары арасында "Йолдызлы сәгать" интеллектуаль уены үткәрелде. Укучыларга республика, район, авыл тарихы, сугыш еллары турында күп мәгълүмат бирелде. 

5 сыйныф укучылары белән бүлмә гөлләре темасы буенча мастер-класс үткәрелде. Теоретик яктан бирелгән өстәмә белем практик яктан да ныгытылды: укучылар үсентеләр утырттылар.

Табигать фәннәре атналыгы кысаларында 7 сыйныф укучылары белән Химик пентатайм үткәрелде. Тормышта кулланыла торган матдәләр турында өстәмә мәгълүмат бирелде, тәҗрибәләр күрсәтелде.

Бөек Җиңүнең 70 еллыгына багышлап сыйныфларда Җиңү дәресләре үткәрелде.  Дәресләр төрле формаларда узды, укучыларга сугыш, җиңү турында бик күп мәгълүмат бирелде.

5 нче сыйныф укучылары тыл ветераннары Хәсәнова Мәүлиха һәм Нәсимә апаларда кунакта булдылар. Мәүлиха апа, үзләренең авыр тормышта яшәүләренә дә карамастан, югалып калмауларын, үзенең 20 ел бригадир булып эшләвен, депутат булып Мәскәүгә кадәр баруын сөйләде. 

Табигать фәннәре атналыгы кысаларында башлангыч сыйныф укытучысы Әхмәтханова Ә.М. Кошлар көненә багышланган чара үткәрде. Чара кошлар турында  җырлар һәм шигырләр, уеннар белән үрелеп барды.