Чыгышларга, костюм-маскаларга, җыр - биюләргә, уеннарга бай булган Яңа ел бәйрәмебез  күңелле итеп узып та китте. Алда каникуллар, яллар...һәм имтиханнар. Барысы да яхшы булсын иде! Маймыл безгә бары тик уңышлар гына алып килсен! 

27 декабрь көнне 11.00 сәгатьтә Яңа ел бәйрәменә чакырабыз. Бәйрәм җыр-биюләргә, уеннарга бай булачак. Соңыннан лотерея билетлары уйнатылачак. Рәхим итегез!

23 декабрь көнне полиция хезмәткәрләре, балалар табибы Смагин К.С. һәм әти-әниләр катнашында җыелыш уздырылды. Анда сүз Яңа ел бәйрәмнәрен тыныч уздыру, куркынычсызлык таләпләрен үтәү, пиротехник җайланмаларны кулланмау тиешлеге, балалар арасында очрарга мөмкин булган вируслы авырулар турында барды. Соңыннан җыелышны сыйныф җитәкчеләре дәвам итте. Алар кышкы каникул чорына тәртипләрне аңлаттылар һәм балалар өстеннән җаваплылыкны әти-әниләргә тапшырдылар.

5 нче сыйныф укучысы Шәйхиева Язгөл һәм 8 нче сыйныф укучысы Йосыпова Алсу  Бөтенрәсәй предмет олимпиадаларының муниципаль этабында татар теле һәм татар әдәбиятыннан  призерлар булдылар. Язгөл белән Алсуны һәм укытучылары Мифтахова Р.Бны, Габделхакова Р.Г. ны  бу уңышлары белән котлыйбыз. 

"Наз" сәламәтләндерү үзәгендә ял итүчеләргә Яңа ел бүләге ясадык: мәктәп коллективы көче белән әзерләнгән концертыбызны тәкъдим иттек.  

Саба районыннан Нияз зур җиңү белән кайтты: үз авырлыгында 2 нче урынны яулады.

8 нче сыйныф укучысы Гарипова Гөлсөя Бөтенрәсәй предмет олимпиадаларының муниципаль этабында  информатикадан призер булды. Гөлсөяне һәм укытучысы Гарипова Г.К. бу уңышлары белән котлыйбыз. 

1 нче сыйныфлар тренажер залында шөгыльләнәләр.

15 декабрь - Бөтендөнья Яктылык көне уңаеннан сыйныфларда "Яктылык - безнең яшәү чыганагы" исеме астында тәрбия дәресләре үтте.