12 апрель - Космонавтика көненә багышлап сыйныфларда тәрбия сәгатьләре узды. Укучыларга Ю.А.Гагарин, аның тормыш юлы, башка космонавтлар, космик ачышларның әһәмияте турында бик күп файдалы мәгълүмат бирелде.

Башлангыч сыйныфлар Тукайга багышлап стена газеталары эшләп куйдылар.

Татар теле укытучылары Габделхакова Р.Г., Мифтахова Р.Б. Тукай айлыгы кысаларында бик күп чаралар үткәрәләр. Алар иҗатының берсе - Тукайның тормыш юлына багышланган күчмә стенд.

7 нче сыйныф укучысы Гаязетдинова Рәмзия армспорт буенча Кукмара районы Манзарас мәктәбендә үткәрелгән ярышта катнашты һәм республика чемпионы исеменә лаек булды.

Норма мәктәбе базасында Васил абый Гарифуллин истәлегенә оештырылган көрәш бәйгесендә мәктәбебезнең яшь көрәшчеләр командасы 3 нче урынны яулады. Шәхси беренчелектә 6 нчы сыйныфтан Алмаз һәм Рәйхан - 1 нче, Нияз 3 нче, 3 нче сыйныфтан Илдан 1 нче, Әлфис 2 нче, 4 нче сыйныфтан Фирзәр 2 нче урыннарга ия булдылар. Егетләргә алга таба да зур уңышлар, сәламәтлек телибез.

5-8 нче сыйныфлар "Тукай премиясенә кандидатлар" исеме астында буклетлар ясап куйдылар. 

5 нче сыйныф кызлары Язгөл, Ризәлә, Мәрьям география буенча үткәрелгән викторинада актив катнаштылар.

Табигать фәннәре атналыгы кысаларында 5 нче сыйныф укучылары белән "Мине танып бел!" интеллектуаль уены үткәрелде. Укучылар хайваннар, үсемлекләр, гөмбәләр, кошларны танып-белүдә көч сынашты.

Табигать  фәннәре атналыгында 6 апрель көнне география укытучысы Шайхиева Г.С. 5-6 сыныфлар арасында “Морской бой” уены  оештырды. Уен укучылар өчен бик үзенчәлекле, файдалы һәм шул ук вакытта кызыклы да булды.

География укытучысы Шайхиева Г.С. һәм биология укытучысы Кабирова Р.М. 5 апрель көнне укучылар өчен “Ватан тормышында үз эзен калдырган йортлаштырылган хайваннар”  темасы буенча  ачык тәрбия сәгате үткәрделәр. Укучылар сугыш вакытында үз өлешләрен керткән этләр,атлар, песиләр, күгәрченнәр һәм башка хайваннар  турында бик күп мәгълүмат алдылар.