20 нче январь көнне ел саен үткәрелеп килүче кышкы кросс зур активлык белән үтте. Барлык гаиләләр дә  катнашты, аеруча Зиннәтуллиннар һәм Низамовлар - алар гаиләсеннән 13 катнашучы теркәлде. "Иң кечкенә катнашучы"лар булып яшь ярымлык Гарипова Гөлсем, 2 яшьлек Нигъмәтуллин Ислам, ә "Иң өлкән катнашучы" булып - Мифтахова Җәүһәрия апа танылды.

Әти-әниләр катнашында 6 нчы  һәм 2 нче сыйныфларда татар теленнән ачык дәресләр узды. Татар теле укытучысы Мифтахова Р.Б. һәм 2 сыйныф укытучысы Гайфуллина Э.Г. дәресләрне бик матур, җанлы, кызыксындыра торган итеп үткәрделәр. 

"Төгәл фәннәр" атналыгы кысаларында физика укытучысы Гарипова Г.К. 8 нче сыйныфларда "Ток зурлыгы һәм аның үлчәү берәмлекләре" темасына ачык дәрес үткәрде.

"Төгәл фәннәр" атналыгы кысаларында 5-6 нчы сыйныфлар өчен "Информатематик брейн-ринг" үткәрелде.

7-8 сыйныф укучылары арасында да иң акыллы укучыны билгеләү өчен математик уен үткәрелде.

Математика укытучысы Фәләхов Г.Г. 5-6 сыйныф укучылары арасыннан иң акыллыларны билгеләү өчен "Иң акыллы" математик уенын үткәрде.

Атналык чаралары киләсе атнага дәвам итәчәк.

"Яңа стандартлар һәм аларның нәтиҗәсе" темасы астында педагогик киңәшмә үткәрелде. Бу стандартларны практикада кулланган укытучылар үз фикерләрен башкаларга җиткерделәр.

"Төгәл фәннәр" атналыгы кысаларында 6 нчы сыйныфларда "Компьютер уеннары" темасына тәрбия дәресе узды.

9 нчы сыйныф укучылары 6 нчы гыйнварда рус теленнән, 8 ендә математикадан сынау имтиханнары бирделәр. 

Яңа еллар килеп җитте,

Ак карларга төренеп.

Яңа еллар имин булсын!

Яшик бәхет, сөенечләр,

Шатлыкларга күмелеп.