Бүген, 7 нче сыйныф укучылары, информатика дәресендә "Час кода в России" дип исемләнгән акция кысаларында дәрес үткәрелде. Укучылар программист һөнәре турында мәгълүматлар тупладылар, компьютер аша уеннар уйнадылар, видео-ролик карадылар. Дәресне информатика укытучысы Мухаметгалиева Э.Н. үткәрде.

Әтнәдә инвалидлар  декадасы тәмамлану уңаеннан Әтнә дәүләт драма театры бинасында  Хәйрия марафоны булып үтте. 

Бүген, Күшәр төп белем бирү мәктәбендә, һәр сыфныфта Россия Конституциясе көненә багышланган, сыйныф сәгатьләре узды. Бу сыйныф сәгате укучыларның уйлау, танып-белү сәләтен  үстерүгә ярдәм итәчәк.

Хәзерге вакытта террорчылык иң куркыныч  һәм алдан фаразлап булмый торган  күренешләрнең берсе. Ул төрле урыннарда төрле формаларда оештырылырга мөмкин. Сизгерлекләрен югалткан очракта  террорлык  актларында  кешеләр корбан була! Зинһар, игътибарлы булыгыз!

"Сак булыгыз: көзге боз!" Әлеге темага укытучылар классларда сөйләшүләр алып барып тора. Бүген класс сәгатендә укучылар куркынычсызлык кагыйдәләрен тагын ныклап кабатлап чыкты.

Татар теле укытучысы Самигуллина С.Ш. 4 нче декабрь көнне Күлле Киме урта мәктәбендә Сибгать Хәкимнең туган көненә багышланган кичәгә барып кайтты. Очрашуга Сара Садыйкованың кызы Әлфия Айдарская килгән иде.

X Спартакиада кысаларында узган өстәл теннисында 8 нче сыныфтан Хафизова Р.Д. III урынга лаек булды. Укытучысы Абдуллазянов Р.Г.

Бүген 9нчы сыйныф укучылары имтиханнарына әзерләнү максатыннан Математикадан ОГЭ эшләре эшләделәр.

Әниләр көне уңаеннан  һәм "Самостоятельные дети" акциясе кысаларында мәктәп укучылары әниләрне бәйрәм белән котлап үзләренең тирән ихтирамын һәм әниләргә эчкерсез мәхәббәтен кояш төсендәге ленталар  бүләк итеп белдерделәр.