Мәктәбебездә информатика һәм математика атналыгын башлап җибәрдек. Атналыкның планы белән таныштырылды. Матур гына ачылып киткән атналык математика һәм информатика фәннәренә багышланган рәсемнәр конкурслары белән дәвам иттелде.

Районда үткәрелгән экологик фәнни-тикшеренү конференциясендә катнашып, 8нче сыйныф укучысы Хафизова Р. 3 нче урынга лаек булды. Җитәкчесе Загидуллина З.Д.

«Ашыт” мәдәният һәм спорт комплексында укучылар арасында X спартакиада кысаларында көрәш бәйгесе булып узды. Быел ул Күшәр авылында туып үсеп, Ватан каршында бурычын үтәгәндә батырларча һәлак булган герой әфганчы Зөфәр Хәйруллин призына үткәрелде.

Бу бәйгедә безнең Күшәр мәктәбе командасы -дүртенче урында. Шулай ук  “ Иң яшь көрәшче” исемен дә Күшәрдән 1 нче сыйныф укучысы И.Садретдинов яулады. 

Каникул вакыты булуга да карамастан, мәктәбебездә укытучылар укучыларның белемнәрен  ныгыту өстендә эшләделәр. 9 нчы сыйныф укучылары имтихан эшләренә әзерләнделәр.

26 март көнне укытучыларның педагогик киңәшмәсе булып узды.

23 нче мартта 7 нче сыйныф укучысы Халикова Й.Д. "Илһам" бәйгесенең 2 этабына үтеп, Арча педагогия көллиятендә уңышлы чыгыш  ясады.

21 нче март көнне район буенча уздырылган волейбол ярышында безнең укучыларыбыз актив катнашып кайтты.

Бүген 1 нче сыйныфларда "Дуслык елмаюдан башлана" исемле ачык сыйныф сәгате үткәрелде. уен формасында үткән "сәяхәт" балаларга бик ошады. Алар бергәләп төрле биремнәр чиштеләр, сорауларга җавап эзләделәр. сыйныф җитәкчесе: Сибагатова Э.Г.

3нче сыйныфта татар теле фәненнән “Җөмлә” темасы буенча Вәлиева Г. тарафыннан ачык дәрес күрсәтелде. Дәрес укытучы белән укучыларның бер үк максатка эшләвен тәэмин итеп төзелгән.