Бүген Күәм урта мәктәбендә ата-аналар җыелышы үтте. Шулай ук алар өчен "Ачык ишекләр көне" дә булып узды. Әти-әниләр иң элек дәресләр карадылар, ә соңыннан уртак җыелышта катнаштылар. Җыелышта шулай ук балалар психологы Фаҗылҗанова Лидия Рафиль кызы да "Гаилә һәм бала арасындагы каршылыкларны киметү юллары" дигән темага чыгыш ясады. Җыелышта 1 яртыеллыкка нәтиҗә ясалды, имтиханнарга әзрелек торышы, укыту, тәрбия, сәламәтлекне саклау мәсьәләләре хәл ителде һәм ата-аналарның сорауларына җавап бирелде.

6, 9 нчы гыйнварь көннәрендә Әтнә райнонының барлык 9 нчы сыйныф укучылары да математика һәм рус теле фәннәреннән, үзләрен сынап карау максатыннан, әзерлек имтиханы тапшырдылар. Күәм урта мәктәбендә үзебезнең укучылардан кала Көек һәм Күлле-Киме урта мәктәпләреннән дә укучылар сынау тотты. 

Уку елының беренче яртыеллыгы үтеп китте. Шул исәптән Күәм урта мәктәбендә укытучылар утырышы узды. Утырыш вакытында сыйныф җитәкчеләре укучыларның өлгерешләре белән таныштырып чыктылар. Укыту эшләре буенча директор урынбасары Ганиева Л. Ф. яртыеллыкка йомгак ясап, 3 чирек алдында торган бурычларны әйтеп узды. 

Укучылар кышкы каникулга чыктылар. Ләкин ял итү белән беррәттән имтиханнарга әзерлек тә дәвам итә. Шул исәптән Күәм урта мәктәбендә фән консультацияләре эшли. Анда 7-11 нче сыйныф укучылары төп фәннәрдән белемнәрен ныгыталар. 

Бүген Әтнә урта мәктәбендә укучылар арасында "Эрудит" бәйгесе булып узды. Күәм урта мәктәбе укучылары әлеге көч сынашуда беренчелекне яулады.

Укучыларның кышкы каникуллары башланды. Ләкин мәктәп белән саубуллашырга иртәрәк әле. Башлангыч сыйныф укучылары өчен кышкы лагерь оештырылды. Анда барысы 34 бала йөри. 

Республикакүләм фән олимпиадаларының район этабы тәмамланды. Күәм урта мәктәбеннән 5 укучы әлеге белем сынавында беренчелекне яулады: математика фәненнәнХафизов Булат 6 сыйныф, Сафин Инсаф 9 сыйныф, технологиядан Хакимзянова Альбина 8 нче сыйныф, рус әдәбиятыннан Газизова Зөһрә 8 нче сыйныф һәм татар теленнән Василова Лилия 7 сыйныф призер булды. Әлеге укучылар арасыннан Сафин Инсаф республика турына үтте. Аңа уңышлар теләп калабыз!

Күәм урта мәктәбендә математика фәненнән Хабибуллина А. М.  7 нче сыйныфларда ачык дәрес күрсәтте. 

3 нче сыйныфта Сафина Резеда Рашат кызы математика фәненнән ачык дәрес күрсәтте. Дәрес барышында сингапур алымнары да кулланылды.

3 декабря является днем инвалидов. В связи с этим в нашей школе прошли классные часы, посвященные людям с ограниченными возможностями.