Октябрь ае олкәннәр көне буларак билгеләнеп үтә. Әлеге айда хөрмәтле укытучыларыбызның да һөнәри бәйрәмнәре. Ике бәйрәмне бергә берләштереп, 3 нче сыйныф җитәкчесе Ганиева Люция Фәезхан кызы башлангыч сыйныф укучылары өчен ветеран укытучы Нәҗипова Гөлзада белән очрашу әзерләде. Гөлзада апа үзенең тормыш юлы, укытучы һөнәрен сайлавы, мәктәп еллары, укыткан укучылары турында кызыклы истәлекләр сөйләде. Укучыларыбыз да читтә калмадылар: төрле сораулар бирделәр, укытучылар көне белән котладылар.

Мәктәп территорисендә эшләр тәмамланды, көзге уңыш җыелды. Шул хөрмәткә мәктәпләрдә көзге ярминкәләр, "Сөмбелә" бәйрәмнәре башланып китте. Башлангыч сыйныф укучылар бу бәйрәмне аеруча көтеп ала. Алар яшелчә, җиләк-җимешлшрдән төрле ясалмалар эшлиләр, җыр-бию, кызыклы уеннар үткәрәләр. 2-4 нче сыйныфта укучыларыбыз чарага бик кызыклы итеп, сәхнәләштерелгән бәйрәм кичәсе әзерләделәр. 

Мәктәп территорисен кышка әзерләү максаты белән 8-11 нче сыйныф укучылар өмәгә чыктылар. Алар мәктәп каршын яфраклардан арындырдылар, чәчәкләрне араладылар.

Укуның икенче ае төгәлләнеп бара. Мәктәбебезгә яңа килгән укучылар ияләшеп киләләр. Шулар арасында 1 нче сыйныф укучылары да бар. Сыйныф җитәкчеләре Гатауллина Гөлназ Рахиман кызы аларны хәреф танырга, дөрес язарга өйрәтә, мәктәп кагыйдәләре белән таныштыра. Укучыларның укуга теләкләрен үстерү максатыннан алар өчен төрле чаралар уздырырга тырыша. Шундыйларның берсе - 1 нче сыйныфка кабул итү сборы. Нәниләр бәйрәм барышында шигырьләр сөйләделәр, табышмаклар чиштеләр, җырлар җырладылар һәм иң мөһиме, тырышып укырга, тәртипле булырга, укучы исемен лаеклы күтәрергә ант иттеләр.   

Укучыларыбыз вакытларын бушка уздырмыйлар: тәнәфләрдә, дәресләр беткәч алар өстәл теннисы уйнарга ашыгалар. Шул уңайдан сыйныфлар арасында өстәл теннисы буенча турнир оештырырга уйладык.

Октябрь аеның иң матур истә кала торган бәйрәме - Укытучылар көне. Аны укучылар да, укытучылар да, хаттә әти-әниләр дә зарыгып көтеп ала. Быел да укучыларыбыз әлеге бәйрәмгә тырышып әзерләнделәр. Алар һәр укытучыны котлап, чәчкәләр бүләк иттеләр. Ә иң кызыгы - өлкән сыйныф укучылары укытучы ролендә булып, дәрес бирделәр. Бу алар өчен профориентация юнәлеше буенча эш булды. 

Мәктәпләрдә олимпиадалар башланып китте. Укучылар үзләре белгән, кызыксынган фәннәр буенча олимпиадаларда актив катнашалар. Алда аларны муниципаль тур көтә. 

Макулатура җыеп акча эшләп булмый дисәләр дә, соңгы елларда макулатура җыеп тапшыру гадәте янә тормышыбызга кереп бара.Мәктәпләрдә макулатура җыю буенча сыйныфлар арасында ярышлар да уздырыла. Бу күренешнең бер яктан тәрбияви ягы булса, икенчедән чисталык мәсьәләсе дә күпмедер дәрәҗәдә хәл ителә дигән сүз. Күбрәк кәгазъ җыйган  сыйныфка приз да эләгә әле.

15 нче сентябрь - Варислар көнен билгеләп үтү максатыннан Борханова Римма 2 нче сыйныф укучыларын "Эзтабарлар" сафына кабул итү сборы оештырды. Сборда 1 - 4 нче сыйныф укучылары катнашты. Сыйныф җитәкчесе укучыларны эзтабарлар девизы, эш юнәлеше, кагыйдәләре белән таныштырды. Сбор шигырьләр, җыр, бию белән чиратлашып барды. Шулай ук укучыларның һәрберсе "Эзтабар" анты бирделәр. Соңыннан укучылар өчен сыйныф җитәкчеләре "Эрудит" уены да оештырды.

Укучыларыбыз уку белән беррәттән мәктәп яны тәҗрибә участогында хезмәт куялар. Көзге уңыш быел мулдан: кишер, чөгендер, суган, кәбестә ише яшелчәләрне җыеп бетердек, чират бәрәңгегә җитте.