Мәктәбебездә төрле фән атналыклары уза. Аның кысаларында төрле интеллектуаль чаралар, стенгазеталар ясау, кроссвордлар чишү, әдәби-музыкаль кичәләр уздырыла. Ноябрь аенда инглиз теле атналыгын үткәрдек. Фән укытучысы Гайнетдинова Алия Рөстәм кызы тарафыннан җыр бәйрәме уздырылды. 1-11 нче сыйныф укучылары инглиз телендә җырлар башкардылар, шигырьләр сөйләделәр. 

Рус теле фәненнән бөтенроссия олимпиадасының муниципаль этабы узды. Мәктәбебездән 5 укучы катнашты, шулар арасында призер да бар. Ул 4 нче сыйныф укучысы Гараева Зәлия, укытучысы Сафина Резеда Рашат кызы. 

20 нче ноябрь халыкара тәмәкедән баштарту көне буларак билгеләнеп үтә. Әлеге тема бүгенге көндә бик актуаль, чөнки тәмәке кулланучылар арасында мәктәп яшендәге балалар елдан ел арта. Моның сәбәпләре төрле. Шуларны ачыклау йөзеннән һәм тәмәкенең кеше организмына нинди зыян китерүен безгә 6 нчы сыйныф укучылары сыйныф җитәкчеләре Гайнетдинова Алия Рөстәм кызы белән берлектә дәлилләделәр. Алар күрсәткән ачык тәрбия сәгате кызыклы һәм бик файдалы узды. 

Ноябрь аеның соңгы якшәмбесе "Әниләр көне" буларак истә кала. Мәктәбебез укучылары әлеге күркәм бәйрәмнән читтә калмадылар: технология дәресләрендә иң газиз кешеләренә кулдан бүләкләр ясадылар. Ә 2 нче сыйныф укучылары сыйныф җитәкчесе Борханова Римма Нурмөхәммәт кызы җитәкчелегендә әниләренә бәйрәм оештырдылар. 

Обладатель гранта "Учитель - наставник" учитель информатики и математики Хакимзянова Нурания Идерисовна выступила с лекцией на тему "Роль математики в воспитании экономически грамотного населения" на курсах повышения квалификации учителей математики при ИРО РТ. На этом семинаре наша коллега презентовала электронный сборник задач "Проценты".

23 - 24 ноября 2016 года в Республике Марий Эл прошли Дни татарского просвещения. Мероприятия были организованы в целях изучения передового педагогического и управленческого опыта в сфере образования и содействия культурно-образовательному развитию татарского населения, проживающего на территории Республики Марий Эл. В рамках Дней татарского просвещения республику посетили делегация Республики Татарстан во главе с заместителем Премьер-министра Республики Татарстан, министром образования и науки Республики Татарстан Энгелем Наваповичем Фаттаховым. Во время пленарного заседания состоялось подписание Соглашения о сотрудничестве в области образования и науки между Министерством образования и науки Республики Татарстан и Министерством образования и науки Республики Марий Эл. в составе делегации участвовал руководитель нашей школы Хакимзянов Хамит Газимович. Он подписал соглашение о взаимном сотрудничестве с руководителем МБОУ "Нурумбальская средняя общеобразовательная школа" Хасановой Рузилей Ильдаровной. 

Узган атнада экология фәненнән район этабы олимпиадасы узды. Анда мәктәбебезнең 9 нчы сыйныф укучысы Газизова Зөһрә катнашты һәм җиңү яулады. Афәрин, Зөһрә, алдагы олимпиадаларда да уңышлар юлдаш булсын сиңа!

Хокук айлыгы үтеп китүгә карамастан укучылар һәм укытучылар хокук сагында торучылар белән даими элемтәдә булырга тиеш. Шул уңайдан 1-11 нче сыйныф укучылары өчен балигъ булмаган балалар белән эшләү комитеты җитәкчесе Багавиева Наилә, Хадиев Дамир, халыкны социаль яклау хезмәткәре, район психологы Фазылҗанова Лидия белән җитди очрашу булды. Алар укучыларны яман гадәтләр һәм алардан саклану юллары, кичке вакыт, сәламәтлекне саклау өлкәсендәге проблемалар белән таныштырып киттеләр. 

Мәктәбебездә математика укытучылары өчен район семинары узды. Семинар узган еллардан күпкә үзгә, чөнки быелгы уку елыннан укытучылар ачык дәрес күрсәтми, ә бердәм дәүләт имтиханында килеп туган сораулар, проблемалар белән танышалар, фикер уртаклашалар.

Республикакүләм фән олимпиадаларының муниципаль этабы дәвам итә, ә тарих фәненнән нәтиҗәләр билгеле һәм анда безнең укучыларыбыз беренче. Алар 9 нчы сыйныф укучысы Газизова Зөһрә һәм 10 нчы сыйныф укучысы Садриева Энҗе. Афәрин, кызлар, алдагы олимпиадаларда да уңышлар сезгә!