Бүген Бәрәзә мәктәбе базасында "Әтнә балалар фестивале" булып узды. Фестивальнең төп кунагы - Айтуганова Миләүшә Ләбибовна булды. Ул Әтнә районында уздырылучы бу фестивальне бик ошатты һәм аны Республика күләмендә уздыру дигән фикер белдерде. Әлеге фестивальга бу елны Саба районыннан да эшләр кабул ителгән иде. Безнең мәктәптән фестивальга 3 видео катнашты: "Сак йөрегез зур юлларда" (видеоклип), "Авылыбыз аксакалы" (Илсур абый турында документаль фильм), "Мәктәп җыртыклары" (Ералаш). "Авылыбыз аксакалы" - 2 урынны яулады, "Мәктәп җыртыклары" - дипломант булды.

Бүген "Ашыт" ял һәм спорт үзәгендә "Без бергә" дип исемләнгән Республикакүләм конкурсның район этабы узды. Безнең укучыларыбыз бу бәйгегә актив катнаштылар һәм призлы урыннар яуладылар: 
"Вокал" номинациясендә 3 сыйныф укучысы Якупова Динә - 2 урын, "Җыр ансамбле" номинациясендә 6 сыйныф укучылары ("Нур" ансамбле) - 2 урын, "Сәнгатьле сөйләм" номинациясендә 2 сыйныф укучысы Сәләхетдинов Раяз - 2 урын һәм 6 сыйныф укучысы Филатов Айзат сертификат белән бүләкләнделәр! Укучыларыбызга һәм аларны әзерләгән укытучыларыбызга киләчәктә дә зур уңышлар!

Бүген Нурания Габделбаровна 9 сыйныф укучылары белән ачык тәрбия сәгате күрсәтте. Тәрбия сәгатенең темасы бик актуаль: "Экзаменнарга әзерләнгән вакытта ничек итеп стресска бирешмәскә". Тәрбия сәгате барышында укучылар стрессның кайдан килеп чыгуы, аны ничек итеп җиңеп булуы турында сөйләштеләр, мәсьәлләр анализладылар, стресска каршы торучанлык буенча тренинглар үттеләр. Тәрбия сәгатен карарга кергән укытучылар да укучылар белән беррәттән тренинглар узып үзләренә күп яңалыклар тупладылар. 

Бүген мәктәбебезгә укучылар белән очрашуга полиция хезмәткәре - Рамил Радик улы улы килде. Очрашуның темасы "Юлда йөрү кагыйдәләре". Укучылар һәм укытучыларгның кызыксындырган сорауларга җавап алырга да мөмкинчелекләре булды.

Сегодня состоялся муниципальный этап республиканского конкурса "Живая классика". От нашей школы на конкурсе участвовал Филатов Айзат с юмористическим произведением В. Постникова "Жених из 3 Б". Мы поздравляем Айзата и желаем ему творческих успехов.

Бүген спартакиада кысаларында мәктәбебездә Әфганчы Илдар Сафиуллин истәлегенә багышланган чаңгы ярышы узды. Беренчелек Авыл хуҗалыгы техникумында.

Технология атналыгы кысаларында Нурания Габделбәровна мәктәбебездә 6 - 8 сыйныфлар арасында "Поле чудес" уены уздырды.

0 март көнне мәктәбебезгә ПДН инспекторы Хадиев Дамир очрашуга килде. Очрашуның темасы: "Интернетта куркынычсызлык кагыйдәләрен үтәү"

Бәйрәмнәр инде артта калса да, күңелләрдә бәйрәм рухы һаман да сүрелмәгән. Узып киткән 23 февраль һәм 8 март бәйрәмнәрне кабат искә төшереп узарга булдык һәм бүген мәктәбебездә зур чара уздырдык. Чарага 5-8 сыйныфлар 4 кешедән торган командалар хасил итеп катнаштылар. Командада 2 малай һәм 2 кыз булу зарур иде. Бәйрәмдә командалар төрле биремнәр үтәделәр: открытка ясап котлау, реклама, прищепкалы эстафта, сорауларга җавап бирү, бала төрү, мода күрсәтү һәм башкалар. Бәйрәм күтәренке рухта узды.

Мәктәбебездә Технология атналыгы старт алды. 6-7 сыйныф укучылары арасында иң яхшы ребус чишүче укучыларыбыз!