Бүген мәктәбебездә ВИЧ һәм СПИДкак каршы укучыларда үзаң тәрбияләү максатыннан #Стоп ВИЧ! Стоп СПИД! дип аталучы флешмоб узды. Флешмоб кысаларында һәр сыйныф хэштеглар белән фотога төшеп икенче сыйныфка СПИД һәм ВИЧ турында нәрсә беләләр, шул турыда мәгълүмат бирделәр. Хэштеглар һәрбер сыйныфта да булып чыктылар. 

Бүген 17 май - Ышаныч телефоны көне. Интернет челтәре аша һәрбер кеше "Бергә ышанабыз!" дип аталучы видеоконференциягә кушыла ала. Сәгате - 10.00-16.00. 

XI Спартакиада кысаларында 12 май көнне Җиңел атлетика буенча уеннар булып узды. Безнең 9 сыйныф укучысы Ахметзянова Айгөл туп ыргыту буенча 1 урынны яулады. Афәрин, Айгөл! Киләчәктә дә уңышлар!

Бүген Мәктәптән тыш эшләр үзәгендә "Пионериягә 95 яшь" дигән зур бәйрәм-чара булып узды. Бәйрәмгә күп еллар вожатый булып эшләгән мөхтәрәм тәрбиячеләр, һәрбер мәктәптән активист укучылар һәм тәрбия эше буенча директор урынбасарлары катнашты.

15 - 20 май аралыгында мәктәбебездә ВИЧ һәм СПИДка каршы профилактик чаралар уздырыла. Бүген һәрбер сыйныфның тәрбия сәгатьләре нәкъ шул темага багышланган иде. 

15 май - гаилә көне. Без аны үзебезнең мәктәбебездә дә билгеләп үттек: тәрбия сәгатьләрендә укучылар сыйныф җитәкчеләр ярдәме белән гаиләнең кеше гомерендә иң мөһим институт булуына төшенделәр; башлангыч сыйныфлар һәм аларның әти-әниләре катнашында "Мама, папа, я - спортивная семья" дигән девиз астында чара узды.

 Бүген "Ашыт" спорт һәм культура үзәгендә Республиканың Балалар оешмалары советы вәкилләре катнашында зур чара - "Форум Юных Граждан" булып узды. Бу чарага Әтнә районы мәктәпләреннән 100 якын укучы катнашты. Алар арасында безнең 8 сыйныф укучылары Мусин Марсель, Ахмадиев Гадел һәм Шакиров Риназ да бар. Бу форум кысаларында укучылар төрле тренингларга катнаштылар, бергә фикер алыштылар һәм форум ахырында үзләренең кызыксындырган сорауларын Фәрит Мансуровичка тәкъдим итеп җаваплар да алдылар.

Бүген 7 сыйныф җитәкчесе Рәзинә Харисовна укучылары белән ачык тәрбия сәгате уздырды. Тәрбия сәгатендә хайваннарның да хокуклары булуы турында сөйләшеп фикер алыштылар.

Проектлар яклау дәвам итә! Бүген 5-6 сыйныфлар үзләренең проектларын әти-әниләре, сыйныфташлары һәм укытучылары каршында якладылар. Иртәгә 3-4 сыйныфлар да проектлары белән таныштырачаклар.