Хокуклар – кешегә шәхес буларак яшәү һәм үсү өчен кирәк булган шартлар. Һәрбер кешенең яшәргә, ирекле һәм бәхетле булырга хокукы бар. 8-9 сыйныф укучылары катнашында “Минем хокукларым һәм бурычларым” исемле хокукый турнир үткәрелде.

17 март көнне  мәктәбебездә " Кырымның Россиягә кушылуы" турында сыйныф сәгатьләре булды. Укучылар  белән, Кырым Республикасының тарихы, халкы, тарихи һәйкәлләре, төрле яулаучылар белән күп еллык көрәшүе, кырымлыларның Бөек Ватан сугышында катнашуы, Севастопольне саклау, Россия өчен ярымутрауның мөһимлеге турында әңгәмәләр үткәрелде, презентацияләр каралды.  Бүген гражданлык-патриотик тәрбия аерым әһәмияткә ия, ул тарихи фикерләүне формалаштыра, туган ил тарихын өйрәнүгә кызыксыну уята,  укучыларда патриотизм хисе тәрбияли.

Буген мәктәбебез зур кунаклар кабул итте. "Ватаным  Татарстан"  газетасы журналистлары Риман ага Гыйлемханов җитәкчелегендә Тукай эзләре буйлап сәяхәт иттеләр.. Алар мәктәбебезнең "Туган якны өйрәну музее" нда Тукайның Өчиледәге тормышына кузәту ясадылар. Зиннәтулла бабай нигезендә булдылар. Зиннәтулла  бабай муллалык иткән мәчет белән таныштылар. Кунакларны Арча районы башкарма комитетының социаль мәсьәләләр буенча урынбасары Мухаметшина Алинә Таһир кызы һәм мәдәният идарәсе җитәкчесе  Әюпов Илфар Илдар улы озатып йөрде.

Тарих атналыгы дәвам итэ. Буген 5 нче сыйныф укучылары белән "Туган ягым-Татарстан" дип исемләнгэн тарихи уен-викторина узды. Максат: укучыларда туган телгә карата кызыксыну уяту,аларның Татарстан, аның куренекле кешеләре, истәлекле урыннары турында белемнәрен киңәйтү, фикерләу сәләтләрен устеру, әдәплелек, ярдәмчеллек сыйфатлары тәрбияләргә омтылу.

Бу басмага татар халкының тарихы һәм мәдәнияте хакындагы төп мәгълүматлар тупланды. Анда татар бердәмлегенең барлыкка килүе, ныгуы һәм үсү юлы бәян ителә. Татар тарихындагы күренекле чорлар -Идел буе Болгары оешу, Алтын Урда (Җүчи Олысы), Урта гасырлар татар дәүләтләренең ныгу-урнашуы, мәдәниятнең яңарышы һәм татар милләте хасил булу, милли автономия һәм совет яңарышы формасындагы дәүләтчелек тергезелү – аерып чыгарыла. Мәдәниятнең мөһим фундаменталь нигезләре арасында, тел, язу, әдәбият, шәһәрләшү һәм шәһәр мәдәнияте формалашу, ислам динен кабул итү кебек, татар җәмгыятенең барлык өлкәләренә зур йогынты ясаган күренешләр билгеләнә. Шулай ук хуҗалык алып бару осталыгы һәм тәҗрибәсенең, гореф-гадәтләр һәм бәйрәмнәрнең, халык декоратив-гамәли сәнгатенең, рухи мәдәният, традицион татар халык мәдәнияте, югары сәнгатенең белдерелеш төрләре күздән кичерелә.   Китап татар халкының тарихы һәм мәдәнияте белән кызыксынучы киң катлау укучыларга тәкъдим ителә.

Сезне чын күңелдән 8 Март бәйрәме белән котлыйбыз! Сезгә иң изге теләкләр телибез, якыннарыгызның игелеген күреп яшәргә язсын сезгә Ходай. Салкын, озын кышлардан соң килгән бу беренче Яз бәйрәме, иң гүзәл бәйрәмнәрнең берсе. Бу бәйрәм сезгә тормыш яме, яшәү көче өстәсен. Бәхет нурында коенып, назга күмелеп, уңышларга ирешеп яшәгез. Бәйрәм белән!!!