Югары Бирәзә башлангыч мәктәбе укучылары Бөек Ватан сугышы ветераны Абдуллаҗан абый янында булды.Ул сугышта күргәннәрен укучыларга сөйләде,сорауларга җавап бирде.

Сәламәтлек дәресендә - ачык һавада.

1 нче февраль көнне Арча шәһәрендә стадионда Сәламәтлек  көне булып узды. Анда катнашучылар чаңгыда  ярыштылар һәм  соңыннан  кайнар чәй, коймак белән сыйландылар. Оештыручыларга зур рәхмәт!

 Арча шәһәрендә Фәнил Гәрәфиев истәлегенә пневматик мылтыктан ату буенча ярышлар уздырылды. Безнең мәктәп командасы да  әлеге ярышта  уңышлы чыгыш ясады.

Субаш Аты авылында туып, бүгенге көндә Казан шәһәрендә яшәп иҗат итүче, "Йөрәк парчалары", "Бер мәхәббәт тарихы", "Көзге аҗаган", "Памир", "Бабайлар чуагы" һәм башка китаплар авторы, шагыйрь Рәис Сафин белән 28 нче гыйнвар көнне "Казан арты" тарих–этнография музеенда очрашу булды. Якташыбызның 80 яшьлек юбилеена багышланган әдәби кичәдә  килгән кунаклар авторны юбилее белән тәбрик иттеләр,иҗатында уңышлар теләделәр.
Мин түгел-Тукай,Такташ та,
Шигъри җанлы Гаташ та.
Тик бәхетле булыр идем,
Фикерем калса ташта.
                                            Рәис Сафин

Кышын кошлар кеше янына елыша,ярдәм өмет итә.Үлән,орлыклар кар астында калган.Кошларга салкыннар  түгел,ә ачлык куркыныч тудыра.Шуны күздә тотып Чиканас башлангыч класс укучылары  кыш көне  кошларны җим белән сыйлап торалар..

Өчиле төп гомуми белем мәктәбенең башлангыч класс укытучылары 2015 елның 22 январь көнне Арча педагогия көллиятендә үткәрелгән  муниципаль семинарда катнаштылар.Мастер-классларда булдылар,сертификатлар алдылар.

Иске Кырлай  авылында  Фәнил  Гарәфиев истәлегенә  узган чаңгы  ярышында безнең мәктәп укучылары да уңышлы чыгыш ясадылар.