Сэламәт яшәү рәвешен пропагандалау атналыгының 5 нче көне "Спорт кумирлары" дип атала. Бүген классларда Россия, СССР  вакытындагы спорт мастерлары И.Роднина, В.Третьяк, Л.Латынина һәм башкалар турында укучылар үзләре әзерләп килгән материаллар белән таныштырдылар. Көн "Делай ДОБРО" флеш-мобы белән тәмамланды.

   Бүген Г.Тукай исемендәге Арча педагогия көллиятендә бөек шагырь һәм драматург В.Шекспирның 400 еллыгына багышланган "All the world is a stage" дип аталган театрлар конкурсы булып узды. Конкурс 2 турдан торды. Беренче турда җиңүчеләр инглиз телендә спектакль уйнарга тиеш иделәр. Инглиз теле укытучысы А.Н.Хузиева бу конкурска укучыларны бик теләп әзерләде һәм алар финал ярышында 3 нче призлы урын яуладылар. Укучыларга һәм оештыручыларга мәктәп дирекциясе олы рәхмәтен җиткерә.

   Г.Тукайның 130 еллыгына багышланган тантаналар дәвам итә. Бүген районда "Бердәм Тукай көне" узды. Бу акциядә мәктәп укучылары да катнашты. Алдан ук китап күргәзмәсе, укучылар арасында рәсем конкурслары узды. Бүген укытучылар укучыларга яңалыклар алып килделәр. Г.Тукайның тормышына багышланган, моңарчы халыкка билгеле булмаган  истәлекләр белән таныштырдылар аларны укытучылар.  Шулай ук Г.Тукайга багышланган дәресләр дә узды бүген.

    Бүген мәктәптә Арча районы буенча балигъбулмаган балалар белән эшләү буенча төп специалист Нигъматуллин Мансур Камилевич белән очрашу булды. Ул укучыарга балаларның ата-ана алдында бурычлары, мәкәптә, җәмәгать урынында үз-үзеңне тоту турында сөйләде. Һәрбер җинаятьнең ачылачагын,аның киләчәк тормышта кешегә тискәре тәэсир итүе белән таныштырды. Ата-аналар, укучыларның җавап бирергә тиешлеген төшендерде.

Бүген мәктәптә "Добрый Татарстан- Мәрхәмәтле Татарстан"акциясе кысаларында "Мәрхәмәтле кино көне" уздырылды.  Иртәнге линейкада киноның кеше тормышында роле турында сөйләшенде, тормышны өйрәнүдә хәлиткеч көче искә төшерелде. Укучылара үзләре яраткан кинофильм турында истәлек язарга тәкъдим ителде.  Ноутбуклардан классларда  Ю.Гагаринның космоска очуы турында документаль фильм каралды. Дресләрдән соң У.Шекспир әсәре буенча видеоролик төшерелде.

   Бүген Яңа Кенәр авылы Культура йортында "Һәр тарафтан Тукай җырын тоям, сукмагымда - Тукай эзләрен" дип исемләнгән  Г.Тукайның тууына 130 ел тулуга багышланган сәнгать фестивале  булып узды. Фестивальдә безнең мәктәп укучылары да катнашты.  9 класс укучысы И.Касимова Г.Тукайның "Кичке теләк" шигыре белән чыгыш ясады. Галаветдинова Фирдинә "Эш беткәч, уйнарга ярый" шигырен сөйләде.  Хакимзянова Сиринә, Галаветдинова Динә, Галаветдинова Тансылу, Галаветдинова Тамчыгөл Г.Тукай сүзләренә язылган җырларны башкардылар.  Укучыларны бу фестивальгә авыл китапханә мөдире В.Мустафина, Культура йорты директоры Г.Магсумова, худрук Г.Хакимова әзерләде.әзерләде.

   14 апрель көнне Арчаның 3 нче номерлы мәктәбендә Г.Тукайның мирасын өйрәнүгә багышланган "Без - Тукайлы халык"дип аталган V Республикакүләм Г.Тукай укулары булып узды. Бу укуларның финал өлешендә мәктәпнең 8 класс укучысы Салахова Динә катнашты. Ул "Г.Тукай - күпкырлы шәхес" номинацисендә чыгыш ясады, Дипломга лаек булды. Динәне бу укуларга татар теле һәм татар әдәбияты укытучысы Р.С.Шагидуллина әзерләде.

   Тирә-якны чистарту икеайлыгы дәвам итә. Мәктәп янын, авыл территориясен чистарту эше дәвам итә. 6 класс укучылары, гадәттәгечә, Бөек Ватан сугышнда һәлак булган авылдашларыбыз хөрмәтенә куелган обелискны чистарту өстендә эшләделәр. Кар тараттылар, тирә-яктагы чүпләрне җыйдылар. Тиздән һәйкәл янында чәчәк утырту өстендә эш оештырылачак.

    Наркотик кулланмауга карата көрәш кысаларында, мәктәптә "Әзер бул!" акцясе узды. "SаMоsтоятельные дети" проекты группасы укучылары бу чарага алдан әзерләнделәр: плакатлар ясадылар, махсус әдәбят белән таныштылар. Урамда, кибеттә, кече предприятеләргә кереп, наркотикка каршы көрәш чаралары белән таныштырдылар, "Мин наркотикларга каршы!" дигән акцияне раслатып, куллар куйдырттылар.

   12 апрель көнне Казан әһәренең Пирамида күңел ачу комрлексында "Илһам" Бөтенроссия яшь язучылар бәйгесенең йомгаклау утырышы булды. Бу бәйгедә мәктәбебезнең 9 класс укучысы Касимова Илүзә катнашты һәм бәйгенең Дипломанты булды. Илүзәгә иҗат эшендә зур уңышлар телибез, журналист булырга дигән хыялың тормышка ашсын!