“Мәрхәмәтлеклек  дәресе”  акциясе берничә көн дәвам итте. “Самостоятельые дети” проекты укучылары башлангыч класс укучылары өчен төрле кулдан ясалган әйберләр: фанерадан чыршылар, ташландык материаллардан төрле әйберләр, кәгазьдән кар бөртекләре, чәчәкләр  ясарга өйрәттеләр. Мәктәп ишек алдында кардан ясалган сыннарны буярга булыштылар. 21нче декабрь көнне 1-4, 5-9 класс укучылары өчен “Мәрхәмәтлелек дәресе” үткәрелде. Башлангыч классларда аны М.М.Камалиева, 5-9 классларда биология укытучысы Ә.Ә.Вафина үткәрде.

   Яңа ел якыная. Кар сыннарын күптән ясасак та, табигатьнең җылынуыннан куркып, аларга "җан" өрүне атна ахырына калдырган идек. Көн салкын. Сыннарга "җан" өрергә иң уңай вакыт! Бүген шушы эшне башкардык. 2016 нчы елны каршылаганда, сыннарыбыз эреп юкка чыкканнар иде. Быел Яңа ел бәйрәмен сыннарыбыз да каршы алачак.

   Яңа Кенәр техник Йорты хезмәткәре Г.Нуриева Ташкичү төп мәктәбендә хорография түгәрәге лып бара. Укучылар бу түгәрәккә теләп йөриләр. Татар халык, төрле милләт биюләре, заманча биюләр өйрәнәләр. Өйрәнгән биюләре белән Яңа Кенәр, Ташкичү авылы сәхнәләрендә чыгыш ясадылар. Бу көннәрдә укучылар Яңа ел бәйрәме өчен төрле биюләр өйрәнәләр. 

   Кичә Г.Камал исемендәге Сикертән төп гомуми белем мәктәбендә II районара Мәһдиев укулары булып узды. Бу укуда безнең мәктәпнең 7 класс укучысы Илнур Ахмадуллин катнашты. Ул "Тормыштан алынган геройлар" номинациясендә 2 нче призлы урын яулады, грамота белән бүләкләнде. Илнурны зур җиңүе белән котлыйбыз! 

   Һәр сишәмбе көнне үткән атна вакыйгаларына анализ ясала. Бүген "Мәрҗани оныклары" район иҗат  конкурсында катнашкан укучыларыбызны котладык. Аларга укуларында, җәмәгать тормышында яңадан-яңа уңышлар теләдек.

    Беренче яртыеллык тәмамлануга санаулы көннәр калып бара.  Чирек ахыры якынлаша. Чирек ахырында, гадәттәгечә, белемнәрне сынап карау башлана. Бүген мәктәптә 6,7,8,9 классларда, мәгариф бүлеге җибәргән текстлар буенча, контроль эшләр башланды. Башлангыч классларда һәм 5 класста мәктәп дирекциясе приказы белән, административ контроль эшләр дә башланды.

   Бүген Яңа Кенәр балалар иҗат Йортында зур бәйрәм. Анда "Мәрҗани варислары" исемендәге районкүләм фәнни-гамәли укучылар конференциясе оештырылды. Бу конференциядә Ташкичү төп гомуми белем  мәктәбе укучылары  һәм укытучылары ды актив катнашты. Татар теле һәм әдәбияты укытучылары А.Т.Ахмадуллина һәм Р.С.Шагидуллина укучыларны М.Галәү әсәрләреннән сәхнәләштерелгән күренешкә әзерләде. Тарих укытучымы Р.Р..Хакимзянова М.Галәү тормышы һәм иҗатына кагылышлы проблемаларга чыгыш ясады. 5 класс укучысы Алсу Касимова "Шигырьне сәнгатьле уку" номинациясендә уңышлы чыгыш ясады. Бу конференциядә катнашу укучыларның М.Галәү, Ш.Мәрҗани тормышы, иҗаты белән кызыксынуларын арттыруга тагын бер этәргеч көч булыр.

    Коррупөиягә каршы көрәш атналыгы кысаларында, мәктәптә төрле чаралар үтә. Тарих укытучысы Р.Р.Хакимзянова өлкән класс укучылары өчен "Нәрсә ул коррупция? Аны ничек бетерергә?" темасына чыгышясады. Башлангыч класслар укытучысы М.М.Камалиева әкиятләрдә коррупция чагылышы, аларны ачыклау буенча класс сәгате үткәрде. Татар теле һәм әдәбияты укытучысыА.Т.Ахмадуллина Г.Исхакыйның "Җан Баевич" комедиясен укыганда коррупциянең борынгыдан килүенә басым ясады.  Өлкән класс укучылары өчен оештырылган чарада  "Конвенция об уголовной ответственности за коррупцию"  документына күзәтү оештырылды.

Ташкичү төп мәктәбендә һәр атнаның сишәмбесе – иртәнге линейка көне. Дежур класс атна буе мәктәптә эшчәнлеккә йомгак яый. Үткән атнада “Китап- олы” бүләк”, “3 декабрь – билгесез солдат” көне кебек чаралар узды. Укучылар Яңа елга әзерлек эшләре башлады: урамда кар сыннары барлыкка килде, кабинетлар бизәлә башлады, Яңа елга карата газеталар чыгара башланды.

   Кыш көне куркынычсызлык кагыйдәләрен үтәү турында да сөйләштек. Иң куркынычы – юл-транспорт һәләкәте. Безне  Ханты-Манси округында булган транспорт һәләкәте  тетрәндерде. Юл йөрү кагыйдәләре, кичке чорда яктырткыч элементларның булуы, Симетбаш авылына автобус белән йөрүчеләрне кисәтү максатыннан  аңлату эшләре оештырылды. Үз сәламәтлегебез күп очракта үзебездзән тора. Кече яшьтән тәртипле, юл йөрү, җәмәгать урыннарында үзеңне тоту кагыйдәләрен үзләштерсәң, өлкән булгач та шуны башкарырга кирәклекне төшенеп калырга тырыштык.

     1941-1945 нче еллардагы дәһшәтле сугыш еллары ераклашканнан-ераклаша. Ләкин батырлык онытылмый. Бүген мәктәптә "Билгесез солдат" көненә багышланган истәлекле көн оештырылды. Бу көннең барлыкка килүе турында сөйләшү  үткәрелде. Бөек Җиңүгә багышланган стенд янында башлангыч класс укучылары өчен әңгәмә оештырылды. 1-9 класс укучылары шушы көнгә багышланган видеоролик карадылар.