Ташкичү авылы Культура йорты һәм авыл китапханәсе хезмәткәрләре, мәктәп белән берлектә, укучылар өчен әледән-әле кызыклы һәм мавыктыргыч чаралар оештыралар. Чираттагысы 3 январь көнне узды. Укучыларны якты залда Кыш бабай, Кар кызы каршы алды. Алвр укучыларга кызыклы уеннар, башваткычлар әзерләгәннәр иде. Бию катыш бәйрәм укучыларга да, алар белән килгән әти-әниләренә, әбиләренә дә бик ошады. Кичә укучылар өчен дискотека белән дәвам итте. Укучылар өчен Культура йорты алдында да төрле уеннар оештырылды.

    Яңа 2017 нче ел да килеп җитте. 2016 нчы ел безнең мәктәп өчен капиталь ремонт елы булып истә калачак! Мәктәбебез яңарды, яктырды, тагын да җылыракка әйләнде! 2016 нчы ел якташыбыз Мәхмүт Галәүгә 130 ел тулу белән безнең истә калачак. Аның оныгы Олег Надирович, оныкчыгы Анастасия Олеговна белән очрашу безнең күңелләрдә мәңге сакланыр. Укучыларыбыз, укытучылар район, республика күләмендә узган бәйгеләрдә катнаштылар, җиңүләр яуладылар, үзләренең көчләрен сынадылар. Яңа 2017 нче ел барчабызга бетмәс бәхетләр, күңел күтәренкелеге, семьяларда тигезлек, сәламәтлек алып килсен! Яңа ел белән!

    Сайлап алу имтиханнары арасыннан укучылар татар телен дә сайладылар. Бүген татар теле укытучысы Р.С.Шагидуллина белән алар имтиханнарга әзерләнделәр. 

   Укучыларның кышкы каникуллары дәвам итә. 1-8 класс укучылары өчен "Барыбыз да бозга!" акциясе узды. Мәктәп ишек алдында укучылар өчен төрле ярышлар, кызыклы уеннар оештырылды.

    Каникул чоры 9 класс укучылары өчен Бердәм Дәүләт имтиханнарына әзерләнү өчен бик кулай вакыт. 27 декабрь көнне  рус теленнән, бүген математикадан аларга имтиханнарга әзерлек эше оештырылды. Шулай ук график нигезендә биология, химия. татар теле, география, җәмгыять белеменнән дә өстәмә эшләр оештырылачак.

    Бүген мәктәптә "ӘтиләрСоветы"ның киңәйтелгән утырышы булды. Утырышка укучыларның барлык әтиләре дә чакырылган иде. Әтиләр Советы 2016 нчы елда  оештырылган эшләргә отчет тотты. Ирешелгән уңышлар, алда торган проблемалар турында эшлекле сөйләшү булды. 2016 нчы елда "Әтиләр Советы" эшчәнлеге "канәгатьләнерлек" дип бәяләнде.

     Икенче көн тәртибендә кышкы каникулларны оештыру мәсьәләләре каралды. "5 январь - чаңгы шуу көне" акциясе үткәрү планлаштырылды, Арча районында узучы бәйрәмнәргә катнашу, әтиләрнең булышлыгы кирәклеге турында сөйләшенде.  

   Мәктәптә бүген - чыршы бәйрәмнәре. Иртәдән укучылар бәйрәмчә киенеп, мәктәпкә агылдылар. Аларны мәктәптә киенеп-ясанып чыршы көтеп тора. 

       Башлангыч класс укучылары өчен бик сөенечле булды бу көн. Мәктәп дирекциясе аларны бәйрәм белән котлады, бүләкләр, тырышып укыганнарга, грамоталар бүләк итте. Бәйрәм уртасында башлангыч класс укучыларын котларга "Таттелеком" җәмгыяте вәкилләре килде. Алар да Кыш бабайдан күчтәнәчләр алып килгәннәр. Бик зур рәхмәт аларга! Җавап итеп, башлангыч класс укучылары үзләре өйрәнгән биюләрне бүләк иттеләр.

   Бәйрәм дәвам итә! Һәр семьяга тынычлык, бәхет, саулык алып килсен Яңа ел!

    Бүген мәктәптә "Могҗиза бүләк ит!" акциясе уздырылды. SМS балалары кече яшьтәге һәм ятим балаларга Яңа ел бүләкләре әзерләделәр, Кыш бабай бүләкләрен өләшеп йөрделәр. Ахырыдан 5 класс укучылары флеш-моб үткәрделәр.

   Бүген мәктәптә Арча муниципаль районы буенча өлкән УУП Ленар Алтафович Хисамиев булды. Ул мәктәп укучылары белән тәртип мәсьәләләре, бер-береңә карата миһербанлы булу, өлкәннәрне хөрмәт итү турында сөйләде. Яңа ел чорында куркынычсызлык кагыйдәләре, кич йөрмәү, Культура йортында өлкәннәр өчен оештырылган бәйрәмдә укучыларның булырга тиеш түгеллеге белән таныштырды. Ахырыдан Л.А.Хисамиев тәрбиягә авыр бирелүче укучыларбелән аерым сөйләшү үткәрде.

   21 декабрь көнне SМS балалар төркеме белән мәктәп күләмендә "Мәрхәмәтлеклек кыл!" акциясе оештырылды.  Укучылар бу көнне кар сыннарын чистарттылар. кошларны өстәмә тукландыру оештырдылар, нәни балаларга Яңа ел сувенирлары әзерләшергә булыштылар.