МБОУ «Ташкичинская основная общеобразовательная школа» Арского муниципального района РТ/Татарстан Республикасы Арча муниципаль районының «Ташкичү төп гомуми белем мәктәбе» муниципаль бюджет гомуми белем учреждениесе
Визитная карточка
Адрес: | 422039, РТ, Арский район, д. Ташкичу, ул. Ленина, д. 36\Татарстан Республикасы Арча районы, Ташкичү авылы, Ленин урамы, 36 нчы йорт |
Телефон: | +7(843)-669-05-22 |
E-Mail: | sch524@bk.ru |
Министерство: | Министерство образования и науки Республики Татарстан |
Короткое название: | МБОУ "Ташкичинская ООШ" |
Руководитель: | Сабирзянова Гулия Радиковна |
Год основания учреждения: | 1929 |
У нас учатся: | 53 Бездә укыйлар: 53 укучы |
У нас учат: | 13/Бездә укыталар 13 укытучы |
МБОУ «Ташкичинская основная общеобразовательная школа» Арского муниципального района РТ/Татарстан Республикасы Арча муниципаль районының «Ташкичү төп гомуми белем мәктәбе» муниципаль бюджет гомуми белем учреждениесе - новости
Страницы: << 221 222 ( 223 ) 224 225 226 227 228 229 230 >>
-
Көрәш буенча ярышта уңыш 16.02.2015
15 февраль көнне 1999-2000 нче елгы һәм аннан да яшьрәк егетләр арасында ООО СХП "Северный" җитәкчесе призына татар-башкорт милли спорт көрәше буенча ярышлар булып узды. Бу ярышларда мәктәп командасы да катнашты. 7 класс укучысы Габделхаков Фидаил 45 кг үлчәү авырлыгында 2 нче призлы урын яулады. Рэхмәт, Фидаиль!
-
Патриотик җырлар конкурсы
16.02.2015
13 февраль көнне мәктәптә "Песня, часть твоей души!" девизы астында Бөек Җиңүнең 70 еллыгына багышланган җыр конкурсы булып узды. Һәрбер класс сугыш чорында башкарылган иң популяр җырлар өйрәнде һәм сәхнәләштерде. Төрле номинацияләр буенча җиңүчеләр билгеләнде.
-
Каюм Насыйрины искә алдык
16.02.2015
Мәктәп коллективы 2010 нчы елда татар мәгърифәтен үстерү өлкәсендә ирешкән уңышлары өчен К.Насыйри премиясенә лаек булды. Шундый ук исемгә мәктәпнең элеккеге директоры мәрхүм Равил абый Габдраупов та лаек булган иде. Бүген мәктәптә К.Насыйрины искә алу кичәсе үткәрелде. Тормыш юлы, иҗаты өйрәнелде. Халык күңеленә кереп калган җәүһәрләре искә төшерелде.
-
"Аҗаган" уенында 14.02.2015
14 февраль көнне Шушмабаш урта мәктәбендә 2000 - 2003 нче елг ы укучылар арасында "Аҗаган" хәрби-патриотик уеннары үткәрелде. Бу ярышларда 7-8 класста укучылар катнашты. Анда укучылар интеллектуаль уен, ату, мина эзләү, шуышу кебек ярышларда катнаштылар. Үзләрен булдыклы, уңган икәнлекләрен күрсәттеләр.
-
Авиамоделизм буенча район ярышлары 13.02.2015
13 нче февраль көнне Арча шәһәрендә укучылар арасында авиамоделизм буенча ярышлар булып узды. Бу ярышта мәктәптән 3 укучы катнашты. 6 класс укучысы Шәйхетдинов Булат, 5 класс укучылары Ахмадуллин Илнур, Нурмухамметов Ильсаф зур уңышка ирештеләр. Алар 2 нче призлы урын яуладылар.
-
Физикадан интеллектуаль шоу 10.02.2015
9 февраль көнне физика укытучысы М.М.Гайфуллин, физика елы кысаларында,укучылар арасында интеллектуаль шоу оештырды. Ул төрле биремнәр, тәҗрибәләр аша укучыларда физика фәненә кызыксындыру уятырга тырышты. Укучылар физика өлкәсендә эшләгән галимнәр турында кызыклы вакыйгалар сөйләделәр, бирелгән физика законнарын ача торган сүзләр кертап, шигырьләр яздылар. Кичә бик күңелле узды.
-
Чаңгы юлы - 2015 09.02.2015
8 февраль көнне Россиядә һәм Татарстанда "Чаңгы юлы - 2015" ярышлары үткәрелде. Арчада узган ярышта безнең мәктәп укучылары да актив катнашты. Шулар арасыннан Саттаров Салават, 1 класс укучылары арасында, 2 нче призлы урын яулады. Салаватны шул җиңүе белән котлыйбыз!
-
Файдалы очрашу 07.02.2015
Укучыларга хезмәт юнәлеше бирү максатында, 2015 нче елның 5 февралендә ВУЗларда, техникумнарда, производствода эшләүче мәктәпне тәмамлаучылар белән очрашу кичәсе оештырылды. Кунаклар укуның кирәге, яшьлек елларын заяга уздырмау, гел кешегә ярдәмче булырга кирәклек турында сөйләделәр.
Кичәне күңелле итеп Арча педагогия көллиятеннән практикага килгән Абдуллина Ләйсән һәм Кадыйров Раушан алып бардылар. Алар укучылар һәм студентларны ярыштырдылар, уйнаттылар. Бәйрәм күмәк җыр башкару белән тәмамланды. Кичәнең икенче өлешендә дискотека оештырылды.
-
Тиздән имтиханнар! 04.02.2015
Мәктәптә 9 класс укучыларын дәүләт имтиханнарына әзерләү буенча планлы эш алып барыла. Математика, рус теле, биология, химия фәннәреннән укучыларга өстәмә эшләр оештырыла. Чөнки бу фәннәрдән укучылар дәүләт имтиханнары бирергә әзерләнә. 3 нче февраль көнне мәктәптә математика фәне буенча ГИА форматында сынап карау имтиханы үткәрелде.
-
Математика – фәннәр патшасы 03.02.2015
Башлангыч класслар укытучысы М.М.Камалиева укучыларга белем бирүнең төрле ысулларын куллану өстендә эшли. 3 февраль көнне ул укучыларның әти-әниләрен чакырып, укучыларга белем бирү юлларын күрсәтте, укучыларның үзләштерү сәләтләрен, нинди юнәлеш белән эш оештырырга кирәклеккә басым ясады.