Бүген укучылар белән Халыклар бердәмлеге көне  турында әңгәмә үткәрелде. Халыклар бердәмлеге көне тирән рухи мәгънәгә ия. Ул безне бердәм булырга, ата-бабаларыбызның каһарманлыгын хөрмәт итәргә өйрәтә.
Бу көн – илебез тарихына хөрмәт белдерү һәм аның данлыклы традицияләрен дәвам иттерүнең бер күркәм билгесе. Дәүләт күләмендәге бу бәйрәм 1612 елгы тарихи вакыйгаларга барып тоташа. Халыкара бердәмлек көне буларак, 2005 елдан билгеләп үтелә.
Тарихта эз калдырган бу көннәрдә безнең ата-бабаларыбыз – төрле милләт, дин һәм төрле катлам вәкилләре – бер булып, уртак Ватаныбызны чит илбасарлардан азат иткән. Төрле милләт кешеләренең иң югары максатларга ирешү өчен берләшүе, Ватанга карата чиксез мәхәббәте һәм ватанпәрвәрлеге илебезгә тарих сынауларын җиңеп чыгарга ярдәм иткән.

3 ноябрь көнне, 8 класс укучылары, әти- әниләр комитеты һәм класс җитәкчесе Гөлзилә Җәүдәтовна белән берлектә Удмуртия башкаласы Ижевск шәһәренә ике көнлек экскурсиягә барып кайттылар. Бу сәяхәт һәркемнең күңелендә кызыклы, якты хатирәләре белән урын алды.

Авыл мәдәният йортында уздырылган бәйрәм концертында Сөмбелә Кәримовна җитәкчелегендә мәктәбебезнең бию коллективы да катнашты.

31 октября 2024 года ученица 7 класса Багавиева З.А. приняла участие в X Международной научно- исследовательской конференции проектных работ обучающихся и педагогов «Хузиахметовские чтения». Основные направления совершенствования средств и методов обучения и воспитания», которая прошла в г.Кукмор и заняла 2 место. Руководитель - Гайфуллин Р.Ф. Поздравляем!

Каникул вакытында ОГЭга әзерләнү буенча график төзелде. 9  класс укучылары төп һәм сайлап алу фәннәре буенча консультацияләргә йөриләр. Бүген инглиз  теле  һәм химия фәннәреннән әзерлек дәресләре уздырылды.  

 Каникул вакытында, укучыларыбыз Бөек Ватан сугышында һәлак булган авылдашларыбыз  истәлегенә куелган  һәйкәл  янын   чистарттылар.

24 октябрь көнне мәктәбебездә ата-аналар җыелышы үтте. Фән олимпиадаларына, бөтенроссия тикшерү эшләренә әзерлек, “Моя школа” дип исемләнгән электрон системада эшләү, бердәм мәктәп формасы, тәртип кагыйдәләре, көзге каникулда үтәргә тиешле куркынычсызлык кагыйдәләре,  ашханәдә туклану турында сөйләшенде. Җыелышта Арча районы  ЮХИДИ инспекторы А.Г.Фазуллин  да катнашты. “Юлларда куркынчсызлык” темасына чыгыш ясады.

24 октябрь көнне “Туган телем сагында” исемле акциясе кысаларында башлангыч сыйныф укучыларын татар халык уеннары белән таныштырдык.  Уеннар элек- электән күңел ачу чарасы гына булып калмыйча, иң беренче чиратта тирә- юньне, дөньяны танып белүдә, тормышның иң кирәкле булган белем һәм күнекмәләрне үзләштерүдә дә зур роль уйнаган. Уен ул- гасырлар буена үскән, камилләшкән тәрбия чарасы. Балалар арасында иң яратып уйнала торган уеннар — хәрәкәтле һәм музыкаль халык уеннары. Халкыбызның гореф-гадәтләре, йолалары, тормыш-көнкүреше чагылыш тапкан бу уеннар балаларда өлгерлек, тапкырлык, ярдәмләшү, шулай ук кешелеклелек, шәфкатълелек, сабырлык, сәнгатьле башкару кебек күркәм сыйфатлар тәрбияли. Халык уенары – җитезлеккә, көчкә, зирәклеккә сынау ул. Кечкенә вакытта алынган хәрәкәтле музыкаль уен күнекмәләре нәниләргә әйләнә-тирә мөхит белән тирәнрәк танышырга ярдәм итә.

23 октябрь көнне Пешәнгер башлангыч  гомуми белем мәктәбе-балалар бакчасында регионара “Төньяк балкышы” исеме астында шашка ярышы узды. Бу ярышта башлангыч класс укучысы Галәветдинов Ихсан 2 урын яулады. Мәгъсумова Динә актив катнашучы грамотасы белән бүләкләнде. Молодцы!