Арча стадионында район мәгариф хезмәткәрләре профсоюз оешмасының чаңгы ярышлары узды.  Мәктәбебез коллективы әлеге ярышларда уңышлы чыгыш ясады. Физик тәрбия укытучысы Шагидуллина Рәйсә Сәйделхановна 2 урын яулады. Афәрин!

Бүген математика фәненнән сынап карау имтиханы уздырылды

21 нче февраль – Халыкара Туган тел көне. Татар телен һәм әдәбиятын үзләштерүгә кызыксыну уяту, туган телне, милли йолаларны саклау, туган якка мәхәббәт, табигатьне ярату, шәфкатьлелек сыйфатлары, эстетик зәвык тәрбияләү максатыннан “Дөньяда иң матур тел – ул минем туган телем!” дип аталган әдәби-музыкаль чара үткәрелде. Иң җылы хисләр, иң матур сүзләр  туган тел аша күңелебезгә үтеп керә. Туган телебезгә булган олы ихтирам хисебезне җырлар, шигырьләр аша белдердек.

Халыкара туган тел көнен бәйрәм итү кысаларында китапханәдә “Туган телем – иркә гөлем” дигән китап күргәзмәсе оештырылды. Анда татар теле, аның грамматикасы тарихы, туган телдә аралашу ысуллары, сөйләм культурасы, күренекле шәхесләр һ.б. турында китаплар тәкъдим ителде.

21 февраль – Туган тел көне уңаеннан Мәмсә мәктәбендә " Туган телем- иркә гөлем" дигән исем астында әдәби чара үткәрелде. Бәйрәм җырлар, күңелле уеннар белән үрелеп барды.Укучылар туган телебез турында шигырьләр сөйләделәр,  мәкальләрне дәвам иттеләр, кызыклы сорауларга, табышмакларга җавап таптылар. Чара "Туган тел " җыры белән тәмамланды.

23 февраль - Ватанны саклаучылар көне унаеннан мәктәбебездә бик матур бәйрәм кичәсе  утте. Бәйрәмебез матур җырлар, биюләр, шигырьләр белән үрелеп барды. 23 февраль — Ватанны саклаучылар көне белән барлык ир-егетләрне, әтиләрне,  абыйларны ихластан котлыйбыз! Сезгә һәм якыннарыгызга тыныч күк йөзе, ныклы сәламәтлек, бәхет-шатлык, рухи һәм матди байлык, һәрбер хәерле эшегездә бары тик уңышлар гына телибез.

Ватанны саклаучылар көненә багышланган айлык кысаларында 1-4 класс укучылары арасында “Күңелле стартлар” ярышы  уздырылды.

"Китаб- әт- тәрбия" китабы - татар халкының гасырлар дәвамында туплаган рухи байлыгының бик кадерле бер өлеше. "Туган тел атналыгы" кысаларында укучыларга Каюм Насыйриның әлеге китаптагы тәрбия нигезләре буенча әхлак дәресләре үткәрелде.

23 февраль - Ватанны саклаучылар көне уңаеннан мәктәбебез егетләре белән " Ягез әле , егетләр!" дигән уен оштырылды. Егетләребез төрле ярышларда үзләренең көчләрен, төгәллекләрен, җитезлекләрен сынаштылар. Берсеннән - берсе күңелле уеннар һәркемнең күңеленә хуш килде.

Бүген Арчаның 5 нче гимназиясендә Халыкара туган тел көненә багышлап үткәрелгән "Туган телем - серле дөнья" дип аталган шигырь укучылар бәйгесенең муниципаль этабында 3 нче сыйныф укучысы Галәветдинов Хәсән  һәм 5 нче сыйныф укучысы Галәветдинов Ихсан катнаштылар. Укучыларыбыз бик матур чыгыш ясап, 2 нче һәм 3 нче урынга лаек булдылар һәм грамоталар белән бүләкләнделәр.