Бүгенге, җәйге лагерь ачылу тантанасы, һәр баланың күңелендә онытылмаслык булып истә калыр. Балалар бу көнгә бигрәк тә зур әзерлек белән килделәр. Бәйрәм сәхнәләштерүләр, рольле уеннар, сәнгатьле сөйләм, җырлар, дәртле биюләр, тантаналы вәгъдәләр белән үрелеп барды.  Балалар оста артис та, тәртипле тамашачы да булдылар. Алда аларны тагын да кызыклырак, маҗаралы һәм җаваплы көннәр көтә.

“Дуслык” лагере үз эшчәнлеген дәвам итә. Бүгенге көнебез “Кояш, Һава, Су – безнең дусларыбыз” – девизы астында үтә. Балалар рәхәтләнеп саф һавада хәрәкәтле уеннар уйнап, сәламәтлекләрен ныгыттылар. Лагерь ачылу тантанасына әзерлек тулы көченә бара. Җырлар, биюләр өйрәнү, скетчлар, әкиятләр сәхнәләштерү – барысы да балаларның кызыксынуларын исәпкә алып оештырыла

   Бүген Г.Камал исемендәге Сикертән төп гомуми белем мәктәбе базасында мәктәп яны ял лагере эшли башлады. Анда 1 нче июньнән 21 нче июньгә кадәр барлыгы 15 башлангыч класс укучысы ял итәчәк. Лагерьнең беренче көне халыкара балаларны яклау көненә туры килә. “Балалар – Җиребез чәчәкләре” исеме астында укучылар асфальтта рәсем конкурсында бик теләп катнаштылар. Лагерьда ял алдан төзелгән план нигезендә оештырыла.  

   Бүген  башлангыч сыйныф укучылары табигатькә экскурсиягә чыкты. Башта инструктаж үткәрелде, экскурсиянең максаты аңлатылды. Әлеге экскурсия укучыларыбызда язгы гүзәллекне, туган якның матурлыгын балаларның күңелләренә сеңдерү, балаларны табигать белән кызыксынучанлыкларын арттыру максатыннан оештырылды.

     Бүген мәктәбебезнең 3 укучысы  өчен “Соңгы кыңгырау” чыңлады. Мәктәбебездә  бәйрәмне истә калырдай итеп оештырдылар. Лилия Госмановна җитәкләгән 9 нчы сыйныфны мәктәп дирекциясе көчле чыгарылыш буларак бәяләде. Араларында спортчылар,  фән олимпиадалары җиңүчеләре һәм призерлары да бар. Аларга  мәктәп, район  тормышында актив катнашкан   өчен мәктәп администрациясе Грамоталар, Дипломнар, Рәхмәт хатлары һәм бүләкләр тапшырды.

      Мәктәпләрдә 2018-2019 нчы уку елы тәмамланып килә. Укучыларның белемнәренә һәм барлык ирешелгән уңышларына нәтиҗә ясар вакыт җитте. Шул уңайдан бүген мәктәбебез укучылары арасында сораштыру үткәрелде. Алар төрле номинацияләрдә мәктәбебезнең “Иң-иң...” укучыларын ачыкладылар.

     Сегодня  в городе Арск состоялся районный конкурс рисунков на асфальте среди обучающихся общеобразовательных учреждений «Все краски детства». Из нашей школы участвовали  Хабирова А.И. (7 класс) и Султанова Р.И. (8 класс) под руководством учителя исскуства Шаймардановой А.Р.  Альфина заняла 1 место в номинации «Моя будущая профессия»,  Разиля 3 место в номинации «ПДД знай и соблюдай».  Поздравляем учащихся с победой и желаем дальнейших успехов!

           Арча спорткомплексында район беренчелегенә уздырылган көрәш ярышларында Сикертән мәктәбе укучылары призлы урыннарга ия булдылар. Гарипов Әмир 2 нче урын, Ашуров Ибраһимжон 3 урын алдылар. Укучыларыбызга алдагы ярышларда уңышлар телибез.