Бүген мәктәбебездә, 95 яшьлек юбилеен билгеләп үтүче Бөек Ватан сугышы ветераны Дәүләтшин Фатих Дәүләт улы белән очрашу булып узды. Юбилярны котларга Арча муниципаль районы башлыгы Нуриев Илшат Габделфәрт улы, район башкарма комитеты җитәкчесе урынбасары Мөхетдинов Рамил Рафис улы, Арча һәм Әтнә районнарының хәрби комиссары Борһанов Алмаз Әгъзәм улы һәм Сеҗе авыл җирлеге башлыгы Хәмидуллин Рөстәм Вазыйх улы килделәр. Алар олы хөрмәткә лаек булган җирлегебездәге бердәнбер сугыш ветераны – Фатих Дәүләт улына иң изге теләкләрен җиткерделәр һәм алдагы тормышында ныклы сәламәтлек, күңел тынычлыгы, кайгы-хәсрәтсез көннәр, бәхетле озын гомер теләделәр.

   Фатих Дәүләт улы үзенең нәфис сүз осталыгы һәм моңлы тавышы белән барыбызны таң калдырды. Сугыш ветераны үзенең истәлекләре белән уртаклашты, укучыларга тыныч тормышның кадерен белергә, яхшы итеп тырышып белем алырга һәм җәмгыятебезгә лаеклы алмаш булып үсүләрен теләде.