В нашей школе состоялась Республиканская  акция «Здоровая пробежка». Мероприятие прошло в рамках республиканского антинаркотического проекта «SaMoSтоятельные дети». Участники акции провели пробежку по заранее определенному маршруту. В ходе акции раздавали информационные буклеты «Живи правильно!». Будем надеяться, что данная акция принесет пользу для подрастающего населения.

       Бүген барлык классларда "Беслан фаҗигасе кабатланмасын" дигән исем астында тынычлык дәресләре үтте. Дәреснең максаты булып башкалар кайгысын уртаклашу,замана проблемаларына ияреп бару һәм укучыларда патриотлык хисләре  тәрбияләү тора. Әңгәмәләрдән соң, һәр бала мондый фаҗигаләр башка булмасын, кабатланмасын иде дигән фикердә  калды.

    Белем көнен һәрберебез дулкынланып, шатланып каршы ала: беренче тапкыр мәктәпкә баручы да, өлкәнрәк укучылар да, әти-әниләр дә. Балаларны да, өлкәннәрне дә шушы көтеп алынган ямьле бәйрәм белән тәбрик итәбез!  Шушы минутта меңәрләгән укучылар сезнең кебек үк мәктәпкә килде. Йөзләр балкый, күзләрдә нур, йөрәкләрдә дәрт. Сез туган мәктәбебезгә белем алу теләге белән аяк басасыз һәм һәр уку көнегез шулай якты, матур булсын иде дип телисез. 1 сентябрь - Белем көне генә түгел ул, ә туган көн дә. Чөнки бу көнне яңа өметләр, яңа планнар, яңа омтылышлар туа. Бу өметләрнең аклануы, омтылышларга ия булуыгыз тик үзегездән генә тора. Республикабызның, илебезнең киләчәге - сезнең кулда.

     Мәктәбебездә чираттагы педагогик киңәшмә булып үтте. Киңәшмәдә мәктәпнең методик берләшмә җитәкчеләре узган уку елында эшләгән эшләренә отчет бирделәр һәм бу уку елына план буенча алынган эшләре белән таныштырдылар, үзләренең тәкъдимнәрен керттеләр.

      Бүген мәктәбебездә 2019 - 2020 уку елының беренче  әти-әниләр җыелышы булып узды. Җыелышта Арча ЮХИДИ җитәкчесе Хузин Ришат Раилевич, Арча муниципаль районының авыл хуҗалыгы һәм азык- төлек идарәсе җитәкчесе Гатиятов Ренат Мансурович, Сеҗе авыл җирлеге башлыгы Гыйбадуллина Гөлфия Мансуровна  катнашты. Көн тәртибендә юл йөрү кагыйдәләре, балалар травматизмы, сайлау алды кампаниясе, 2019-2020 уку елының бурычлары каралды.ЮХИДИ җитәкчесе Ришат Раилевич әти-әниләргә яктылыкны кире кайтаргыч элементларның ни дәрәҗәдә мөһим булуын аңлатты, Ренат Мансурович авыл халкын район тормышы белән таныштырды.

 

   Бүген мәктәбебездә  узган әти-әниләр җыелышында укыту-тәрбия эшләре буенча директор урынбасары Гөлназ Фирдусовна "Интернет челтәре аша яшүсмерләрне деструктив төркемнәргә тартуны профилактикалау" темасына чыгыш ясады. Гөлназ Фирдусовна һәр әти-әнигә интернет челтәрендә үз-үзеңне тоту кагыйдәләрен кабат төшендерде һәм укучыларның тәртибенә, үз - үзләрен тотышына карата контрольне көчәйтергә чакырды. 

  24 нче август көнне районыбызда мәктәпләр ярминкәсе булып узды. Җитәкчеләребез тарафыннан ярминкәгә бәя бирелде. Мәктәп яны тәҗрибә участогында үскән җиләк-җимеш, яшелчәләрне районыбыз халкы бик ошатты.

         24 нче август көнне Арчаның Җиңү паркында мәктәп һәм балалар бакчаларының чәчәк күргәзмәсе үтте. Күргәзмәдә һәр оешма бүлеп бирелгән темага чәчәкләрдән үзләренең фантазияләрен җигеп искиткеч композиция ясап алып килде. Шәһәр халкы да, балалар да күргәзмәне таң калып күзәттеләр.

     Бүген Арча педагогия көллиятендә Арча муниципаль районы мәгариф хезмәткәрләренең август конференциясе булып узды. Конференциядә узган уку елына нәтиҗә ясалды һәм киләсе уку елына бурычлар куелды. Мәгариф системасында нәтиҗәле хезмәтләре өчен бер төркем педагоглар бүләкләнде. Мәктәбебез директоры Шәүкәт Җәүдәтовичка район башлыгы Илшат Гаптелфәртович күчмә кубок һәм 50000 сертификат тапшырды. Әлеге бүләк өчен район җитәкчелегенә зур рәхмәтебезне белдерәбез.

 17 август көнне районыбызда "Спорт һәм гаилә" бәйрәме булып узды. Тату гаиләнең терәге булган әтиләр, гаиләнең учагын саклаучы әниләр һәм тормышка ямь өстәүче балалар бүген үзләренең гаиләләренең көчен, җитезлеген, тапкырлыгын һәм татулыгын сынарга килделәр. Мәктәбебездән Гариповлар  гаиләсе  катнашты. Алар барлык төр ярышларда катнашып, уңышлы чыгыш ясадылар. Аларга зур рәхмәтебезне белдерәбез.