Ученики нашей школы активно участвовали в районном конкурсе детских рисунков и видеороликов “Буду бдительным на льду” и награждены сертификатами полуфиналиста в номинации “Лучшая работа”

   Бүген мәктәбебездә Мөхәммәт Мәһдиев музее җитәкчесе Габидуллина Халидә Кыям кызы белән очрашу булып узды. Ул укчыларга Гөберчәк һәм Сикертән авылларындагы авыл топонимикасын күрсәтеп сөйләде. Дәрес укучылар өчен аеруча кызыклы, бай эчтәлекле булды. Авыл тарихын укучыларыбыз онытмыйча, аны буыннан – буынга җитересеннәр иде дигән теләктә калабыз.

18 нче гыйнвар көнне, Укучылар сарае оештырган “Иң яхшы әйдаман” Республика конкурсының район туры булып узды.  Бу конкурста мәктәбебезнең 8 нче сыйныф укучысы Г. Д. Мәҗитова  катнашты. Галия, барлык баскычларны да үтеп, "Самый эрудированный вожатый" номинациясендә җиңүче булды.

2020 нче ел Татарстан Республикасында Татарстан Автономияле Совет Социалистик Республикасы төзелүнең 100 еллыгы елы дип игълан ителде. ТАССР йөзьеллыгы – Татарстан Республикасы һәм аның күпмилләтле халкы өчен әһәмиятле чор.

      Мәктәбебездә "ТАССРның йөзьеллыгы" темасын яктыртучы күргәзмә төзелде. “Татарстан – туган җирем”, “Яратабыз сине, Татарстан” исеме астында класс сәгатьләре уздырыла.

Идел ярларына нурлар сибеп,

Матур булып ата бездә таң.

Таң шикелле якты Туган илем,

Бәхет биргән җирем – Татарстан. (Г. Зәйнәшева)

   4, 5 - 8 класс укучыларының Бөтенрәсәй тикшерү эшләренә (ВПР) әзерлеге дәвам итә. Укучылар өчен фәннәрдән өстәмә консультацияләр оештырыла.

        Укучыларыбызга 2020 нче елда яңа газета - журналлар килә башлады. Бүген укучыларыбыз белән “Көмеш кыңгырау” газетасына күзәтү ясадык. Газетада басылган укучылар иҗаты белән таныштык. Равилә Шәйдуллина шигырьләре аеруча ошады. Газетаның беренче битендә баш мөхәррир Ризидә Гасыймова  түбәндәге юлларны язган: “Без тарих китабының бер битен язучылар. Кичәге көнне иртәгесе белән бәйләүчеләр, татар телен, рухын, тапшыручылар да  эле без.”

   13 нче гыйнвар көнне мәктәбебездә ата-аналар җыелышы булып узды. Җыелышта 2019-2020 нче уку елының 1 нче яртысына йомгак ясалды, ирешкән уңышлар һәм кимчелекле яклар анализланды һәм “Гаилә – бала тормышында шәхси тәрбия алу мөхите” дигән темага доклад тыңланды. Җыелышның калган өлеше классларда, предмет укытучылары катнашында дәвам итте.

    Каникул көннәрендә мәктәбебез укучылары шашка буенча район бәйгесендә катнашып кайттылар. Мәктәп командасы 2 нче урынга лаек булды. Аларга киләчәктә уңышлар телибез!

     Бүген,10 нчы январь көнне,мәктәптә педагогик киңәшмә булып узды. Киңәшмәдә беренче яртыеллык буенча чирек нәтиҗәләре, тикшерү эшләренә әзерлек һәм авыр үзләштерүче укучылар белән эшләү алымнары буенча чыгышлар тыңланды, нәтиҗәләр ясалды, алдагы чиреккә бурычлар билгеләнде.

     8 нче гыйнвар көнне мәктәбебез укучылары туризм буенча район бәйгесендә катнашып, 3 нче класс укучысы Гобәев Р. 4 нче урынга, 5 нче класс укучысы Гарипов Ә. 4 нче урынга, 9 нчы класс укучысы Сафин И. 2 нче урынга лаек булдылар. Аларга киләчәктә уңышлар телибез!