Кышкы каникулның соңгы көннәренә аяк басабыз. Тиздән янәдән укулар башланыр. Тик әлегә укучыларыбыз рәхәтләнеп ял итәләр. Ялларын күңелле һәм файдалы итеп үткәрү максатыннан төрле кызыклы чаралар үткәрелеп тора.  9 класс укучылары консультацияләргә, спорт яратучылар төрле ярышларга йөриләр. Ә кемнәрдер башка шәһәрләргә, башка районнарга сәяхәт итәргә дә өлгерәләр. Мәктәбебез дә ялларда балалар шавыннан тынып тормый күңелле чаралар белән гөрләп үз эшен дәвам итә. 

Каникулның һәр көне сизелмичә үтеп бара. Безнең мәктәп укучылары ялларын файдалы һәм кызыклы итеп үткәрәләр. Чана, чаңгы шуалар, саф һавада рәхәтләнеп күңел ачалар.

Урам матур, чип-чиста,

Уйнавы рәхәт тышта.

Тәгәрәшеп тау шуабыз

Рәхмәтләр әйтеп кышка. 

       Кышкы каникуллар укудан ял итәргә, якыннарың белән очрашырга, төрле кызыксынуларың белән шөгыльләнергә мөмкинлек бирә. 

       Балаларыбыз гаиләләре белән күңелле дә, файдалы да сәяхәтләргә барып торалар. Башкалабызның иң матур чыршысын карап, яңа ачылган зоопаркта булып, Арчабыздагы балалар өчен оештырылган Кыш бабайның мастер-классында катнашып, күңел ачалар.

   Кышкы каникулларда имтиханнарга әзерлек тулы көченә дәвам итә. 9 нчы класс укучылары төп дәүләт имтиханнары биреләсе фәннәр буенча консультацияләргә йөриләр,сынап карау эшләрен башкаралар. Бүген шуларның чираттагысы география буенча үтте.

Декабрь бураннары алып килгән Яңа ел белән котлыйбыз! Бәхетле мизгелләр, матур вакыйгалар, яхшы хәбәрләр, саулык-сәламәтлек алып килсен Яңа 2020 нче ел.  Эшләрегез уң булсын,  күңелегездәге мәрхәмәтлелек нуры йөзегезне тагын да  бизәсен.  Бусагаларыгыздан караңгылык, салкынлык, хәвеф-хәтәр атлап кермәсен, бәла-каза  йөрмәсен.

     Учитель географии нашей школы Сагидуллина Ч.Р. приняла участие в районном конкурсе "Учитель года - 2019". Пройдя первый, зональный этап конкурса, она участвовала в заключительном этапе районного конкурса "Учитель года - 2019" и стала победителем в номинации "Творчество в профессии", награждена Грамотой МУ "Управление образования" исполнительного комитета Арского муниципального района РТ. От всей души поздравляем с победой в конкурсе и желаем дальнейших профессиональных и  творческих успехов!!!

     Бүген дүрт укытучыбыз шахмат-шашка зона ярышлырында катнашып, призлы урыннар яуладылар: Набиуллин Р.Р. - 1-нче урын, Хисматуллин И.И. - 2 урын; Бадриева Ф.Х. - 4 -нче урын, Шаймарданова А.Р.- 4-нче урын. Укытучыларыбызны чын күңелдән котлыйбыз һәм алга таба да уңышлар телибез!!!

     Кышкы каникулда да мәктәптә эш тукталмый. 9-нчы сыйныф укучылары рус теленнән консультациягә килделәр. Алар тырышып имтиханга әзерләнәләр. 

       Яңа ел - һәркемнең иң яратып һәм көтеп алган бәйрәме. Бүген мәктәбебездә укучыларыбыз тарафыннан  әзерләнгән Яңа ел тамашалары булып узды. Бәйрәм бик күңелле рухта барды. Һәр класс үзенчәлекле костюмнар, концерт номерлары, кызыклы  сәхнәләштерүләр тәкъдим итте. 8 нче класс укучыларының иҗади кинофильмнарын карап, горурлык хисләре кичердек. Яңа елда иминлектә яшәргә язсын.  Бар кеше сәламәт, бәхетле булсын.