Арча муниципаль районы башкарма комитеты "Мәгариф идарәсе" 21 нче февраль - Халыкара туган тел көне уңаеннан "Мин яратам сине, Татарстан!" дип исемләнгән шигырь  бәйгесе үткәрде. Бәйгедә 8 нче класс укучысы Мәҗитова Г. 2 нче урынга лаек булды, ә 5 нче класс укучысы Нәгыймова Р. катнашучы дипломына ия булды. Җитәкчеләре Нәгыймова Р.Р.. Киләчәктә дә укучыларыбызга иҗади уңышлар телибез!

   Бүген башлангыч класс укучылары класс җитәкчеләре Заһидуллина Г., Гарипова А. һәм Гөберчәк авылы китапханәчесе Зарипова Г. җитәкчелегендә Бөек Ватан сугышы ветераны Давлетшин Фатих абый янында булып кайттылар.Ул укучыларга үзенең балачагы, яшьлеге, сугыш вакытындагы авыр тормышы турында сөйләде. Фатих абыйның җор телле, бала җанлы булуына сокланмый мөмкин түгел. Ветераныбызга алга таба да исәнлек-саулык, озын гомер телибез!

     21 февраль - Халыкара туган тел көне. 

     Туган тел! Һәркем өчен дә газиз бу сүз. Туган йортыбызның, туган авылыбызның, туган илебезнең кадерле булуын без иң элек туган тел аша тоябыз. Безне хыялланырга өйрәткән әкиятләребезне, тапкыр, җор булырга өйрәткән табышмак-мәкальләребезне, моңлы һәм хисле иткән җырларыбызны туган тел аша ишетәбез. 

     Шул уңайдан мәктәбебездә, Халыкара туган тел көненә багышлап, күргәзмә оештырылды. Укучыларыбыз, телләребезне хөрмәтләп, өч телдә шигырьләр, җыйрлар өйрәнәләр.

      21 февраль - Халыкара туган тел көне уңаеннан башлангыч сыйныфларда тәрбия сәгатьләре үткәрелде. Укучылар туган тел турында мәкаль-әйтемнәр һәм шигырьләр белән таныштылар. Үзләре дә өйрәнгән шигырьләрен сәнгатьле итеп сөйләделәр.

   Бүген башлангыч класслар атналыгына нәтиҗәләр ясалды, җиңүчеләр билгеләнде һәм иң актив катнашучы укучылар бүләкләнде. Укучыларыбызга алга таба да атналыкларда актив катнашып зур уңышларга ирешүләрен телибез

     Война в Афганистане- одна из самых трагических страниц летописи советской эпохи. Она навсегда останется в памяти не только ветеранов войны, но и всех последующих поколений. 650 тысяч советских солдат приняли участие в Афганской войне. Служить они уходили мальчишками, а возвращались ветеранами. Они с честью выполнили свой интернациональный долг. А сегодняшние мальчишки и девчонки должны сохранить память о той войне, о подвигах, о славе, о погибших  героях.С целью воспитания чувства патриотизма, любви к Родине, уважения к прошлому страны, братского отношения к другим народам, сегодня в нашей школе  прошёл квест «Последняя колонна». Ребята узнали много об афганской войне и последствиях этой войны, сами подготовили и  выступили с сообщениями о подвиге солдат.

     Бүген Сикертән мәктәбендә 1 нче һәм 3 нче классларда "Әйләнә - тирә дөнья", 2 нче һәм 4 нче классларда ана теле фәненнән ачык дәресләр күрсәтелде. Укытучылар дәрескә югары дәрәҗәдә әзерләнгәннәр. Дәресне нәтиҗәле итеп оештыру өчен түбәндәге эш формалары сайланган: индивидуаль, төркемнәрдә эш, парларда эш. Дәрестә кулланылган күнегүләр аңлаешлы һәм кызыклы, балаларны мавыктырырлык итеп, төрле уен һәм грамматик биремнәр белән чиратлашып барды. Дәрес этаплары бер - берсе белән тыгыз бәйләнештә торды. Укучыларның фикерләү сәләтләрен үстерү өстендә эш алып барылды.

     Бүген  Сикертән мәктәбе укытучылары Арча стадионында оештырылган, чаңгы буенча профсоюз ярышларында катнаштылар. Физик - тәрбия укытучыбыз Нәбиуллин Р.Р. лаеклы 2 нче урында. Әлеге ярышларда катнашкан укытучыларыбыз Нәбиуллин Р.Р., Каримова Л.Г., Солтанова Р.Р., Хисматуллин И.И. олы рәхмәтебезне белдерәбез. Алдагы ярышларда да уңышлар юлдаш булсын!

      Бүген Г. Камал исмендәге Сикертән төп гомум белем мәктәбендә "ТАССР ның Атказанган терлекчесе" Диләрә Әхмәдуллина белән очрашу оештырылды. Хөрмәтле Диләрә апа, заман авырлыкларына бирешмичә, көчегезне кызганмагансыз. Бу дөньяда куйган хезмәтләрегез, кылган изгелекләрегез өчен рәхмәт сезгә! Саулык-сәламәтлектә, дөньяга ямь биреп яшәгез!

    Мәктәп тормышы файдалы һәм күңелле вакыйгаларга бай. Төрледән-төрле конкурслар, очрашулар, кызыклы сәхнәләштерүләр уку эшчәнлеге белән бергә үрелеп бара. Башлангыч сыйныф укучыларының бүген бик җаваплы көннәре. Язучыларыбызның шигырьләрен туган телдә дә, рус телендә дә иң сәнгатьле укучы баланы билгеләргә кирәк.

      Балалар сынатмады, чөнки әзерлекле иделәр. “Шигырьләрне иң сәнгатьле укучы” титулына 3 нче сыйныф укучысы Р.Р. Гобәев, “Театр этюды остасы” титулына 4 нче сыйныф укучысы Д.Б. Камалова  ия булдылар. Әлеге чарада мәктәбебез китапханәчесе Л.Г. Кәримова һәм Гөберчәк үзәк китапханәсе мөдире Г.З. Зарипова да катнашты.