Төгәл фәннәр атналыгы кысаларында математикадан "Золотое сечение" мероприятиесе узды. Математика укытучысы Сагдуллин Р.Ш. укучыларны гаҗәеп кызык математика -  саннар илендә сәяхәт иттерде. Математиканың башка фәннәр белән бәйләнеше күрсәтелде.

    Математика-физика-информатика атналыгы кысаларында бүген 7 классларда "Архимед законы турындагы белемнәрне гомумиләштерү" дәресе булды. Укучылар корабльдә сәяхәт итү барышында төрле ситуацияләрне физика белемнәре ярдәмендә чишеп, төрле экспериментлар башкарып дәреснең үтеп китүен  сизмәделәр дә!

Бүген 6 класста “Гаилә – җылы учак” дип исемләнгән тәрбия сәгате булып үтте. Укучылар гаилә бәхете, гаиләдәге иң хөрмәтле кеше, бертуганнар турында сөйләштеләр. Группадаларда эшләп әниләргә карата иркәләү сүзләре яздылар, гаилә турында мәкальләрне тулыландырдылар.

 Төгәл фәннәр атналыгы кысаларында бүген мәктәптә 7-8 класслар катнашында информатикадан  интеллектуаль турнир үткәрелде. Төрле кызыклы биремнәр, информатикага кагылышлы терминнар, анаграммалар аша укучылар фән белән кызыксынучанлыкларын күрсәттеләр, күп файдалы мәгълүмат алдылар.

     Төгәл фәннәр атналыгы кысаларында физика фәне буенча "Ачык лаборатория" уены үткәрелде. 7, 8 класс укучылары  физик  тәҗрибәләрне үзләре үткәреп, үзләре физика күзлегеннән чыгып аңлатма бирделәр. Чара барлык катнашучы, тамашачы өчен дә мавыктыргыч, файдалы булды.

     Хөрмәтле коллегабыз, рус теле һәм әдәбияты укытучысы  Галяутдинова Ләлә Фәритовнаны 55 яшьлек юбилее белән чын күңелдән тәбрик итәбез!!! Саулык-сәламәтлек, тормышында һәм эшендә иҗади уңышлар юлдаш булсын!

Теләкләрнең кайсын теләсәк тә

Аз булыр күк синең хөрмәткә.

Аяз булсын мәңге күңел күгең –

 Без калабыз шушы теләктә.

Туган көнең-юбилеең белән
Чын күңелдән сине котлыйбыз.
Сәламәтлек, шатлык-куанычлар,
Күңел тынычлыгы телибез!!!

Бүген 10-11 класслар катнашында "Эврика" исемле ачык мероприятие булып үтте. Укучылар үзара көч сынаштылар, күңелле тәҗрибәләр ясадылар. 11 класс укучылары аз гына өстенлек белән җиңеп чыктылар. Молодцы!

Министерство образования и науки РТ в целях реализации ФЗ от 27.11.2018 г. №422-ФЗ, а также Плана мероприятий («дорожная карта») по реализации пилотного проекта по применению специального налогового режима в виде налога на профессиональный доход на территории РТв сфере образования, утвержденного приказом Министерства образования и науки РТ от 25.12.2018г. №под-1955/18, направляет информационный материал «Как стать самозанятым гражданином» (листовка) для информирования сотрудников и населения, а также размещения на официальных сайтах образовательных организаций.  

Язгы каникуллар булуга карамастан, укытучылар укучыларга бердәм дәүләт имтиханнарыннан консультацияләр үткәрәләр. Фотода химия укытучысы Лилия Шагимулловна 9 класс укучыларына консультация үткәрә. 

Язгы каникул вакытында 9 һәм 11 класс укучылары төп дәүләт имтиханнарына хәзерлек эшен дәвам итәләр. Алар 25,26, 27 март көннәрендә сынау имтиханнарында катнаштылар, калган көннәрдә имтихан бирәсе фәннәр буенча консультацияләр үткәрелә.