Мәктәбебездә 3 җәйге лагерь тулы көченә балаларга ял һәм күңелле вакыйгалар , күпкырлы эшчәнлек төрләре тәкъдим итә:"Азимут" палаткалы лагеры бүген велосипед белән походка китсә, "Шушма" ял һәм хезмәт лагерында балалар хезмәт тәрбиясе һәм матур аралашу, "Күбәләкләр" лагере исә нәни дусларына төрле уеннар, флешмоб һәм саф һавада ял итү һ.б. күңелле вакыйгалар белән сөендерәләр. Ашханәдә исә укучыларыбызны тәмле ашлары белән пешекче апалары көтеп тора. Рәхәт, имин яллар сезгә, балалар!

Дүртенче  көн. Бүгенге көн“ Һөнәрләр илендә“ дип аталды. Иртәнге аштан соң отрядларда һөнәрләр буенча тәрбия сәгатьләре үтте.Балалар районыбызның күренекле һөнәр ияләре белән таныштылар. Авыл китапханәсенә сәяхәт ясадылар.Саф һавада яңа уеннар өйрәнделәр. Көннең икенче яртысындапатриотик темага асфальтта  рәсемнәр ясадылар.

“Азимут” хәрби-патриотик  лагеренда иртә “Робототехника” белән танышудан башланды. Балалар робототехниканың нигезләренә төшенделәр, үзләре детальләрен кулларына тотып эшләп карадылар. Ял итүчеләрнең көне велосәяхәт белән дәвам итте.Алар күрше “Носы” авылына велосипедта барып һәм кайтып үзләренең көчләрен сынадылар, анда квестта катнашып кайттылар.

 Төшке аштан соң лагерьда ял итүчеләр туган якны өйрәнү максатынна “Экологик сукмаклар буйлап” сәяхәткә чыкты. Алар төрле станцияләрдә булып табигатьне өйрәнде.

“Азимут” хәрби-патриотик  лагеренда укучыларның ялы кызыклы һәм тыгыз график белән үтә. Төштән соң балалар “Китап – белем чишмәсе” дигән чарада катнашсалар, кич авыл мәдәният йортында “Минем профессиям” дип исемләнгән кичәдә ял иттеләр.

Бүген лагерьның өченче  көне . Бүгенге көн“Батырларга дан!” дип исемләнде. Зарарлы гадәтләргә урын юк!” дигән исемдә тәрбия сәгате булды. Көннең  икенче яртысында саф һавада төрледән-төрле уеннар уйнадылар

Бүген “Азимут” хәрби-патриотик  лагерена йөрүчеләр  Яңа Кырлай авылына сәяхәт кылды. Бөек шагыйребез Г.Тукай музеена кереп, аның тормыш юлы һәм иҗаты турында кызыклы мәгълүмат алдылар.

Бүген лагерьның икенче көне .Патриотик  тәрбия бирү атнасы кысаларында лагерыбызда бүгенге көн“Без тынычлык телибез!” дип исемләнгән иде. Патриотик темага презентация карадык..“Бөек -Җиңүгә 74 ел”дип исемләнгән рәсем конкурсы үткәрдек. Көнебез бик тыгыз һәм күңелле булды.

Буген Шекә башлангыч мәктэбендә " Жәйге каникул чорында куркынычсызлык" дигән темага ата-аналар жыелышы булды. Ата-аналарга кагыйдәләр анлатылды, куллар куйдыртылды.

          Бүген Шушмабаш урта мәктәбенең 12 чыгарылыш класс укучысы: 6 егет һәм 6 кыз өчен соңгы кыңгырау тавышы яңгырады. Шушмабаш мәдәният йортында зур тантана -   "Соңгы кыңгырау-2019"   бәйрәме   узды. Авыл клубын тутырып  килгән яшьләр,  студентлар, ветеран укытучыларыбыз, әти-әниләр,  кунаклар искиткеч бай, матур эчтәлекле бәйрәм карап, елмайдылар да, дулкынландылар да, еладылар да бүген.  Барлык мәктәп коллективы исеменнән бәйрәмне оештыручы 11 класс укучыларына һәм аларның класс җитәкчеләре Галяутдинова Л.Ф, әти-әниләренә зур  рәхмәт әйтәбез,  9 нчы һәм 11 класс укучыларына алда торган имтиханнарында уңышлар телибез!