Отряд "SMAK" Самостоятельные дети провели республиканскую акцию  "Здоровая пробежка"

Бүген иртәнге аштан сон балалар мәктәпнең актлар залында табигатькә багышланган шигырьләр укыдылар,табигатьнең матурлыгын шигырь юлларында ишетеп күз алладылар. Табигатьне яратырга,сакларга өйрәнделәр.  Ә анна соң “Гиннес-шоу”да  катнашып “Иң озын толым”, “Иң нечкә бил”, “Иң таза”, “Иң зур аяк”,  “Иң зур колак”, “Зәңгәр күз” дип исемләнгән реккордлар билгеләнде. Лагерьның “Гиннес дәфтәрен “ булдырып реккорд куючы укучыларны язып куйдык. Көннең икенче яртысында саф һавада хәрәкәтле уеннар уйнадылар.

Бүген мәктәпнең "SMAK" отряды "Вместе мы все преодолеем" дип исемләнгән республика акциясендә катнаштылар.

Лагерьда “ Сулыклар-табигать байлыгы” дигән көн игълан ителде.

Шушма елгасы буйлап сәяхәт иттек. Суда чыныгу максатыннан ялан аяк су кердек. Шушма елгасы белән Биләнгәр елгасы кушылган урында булдык. Елга буйларын чүпләрдән чистарттык. Көннең икенче яртысында табигать темасына шигырьләр, җырлар конкурсы үткәрелде. Соңыннан балаларыбыз бик рәхәтләнеп биеделәр.

Әйе чыннан да “Күбәләкләр” лагерында бик күңелле итеп үзебезнең вакытыбызны үткәрәбез.ял итәбез,көч туплыйбыз. Көнебез сизелми дә үтеп китә.Сәяхәтләргә йөрү безне бик күп без белмәгән туган авылыбызның урыннары белән танышырга ярдәм итте. Көннең икенче яртысында авыл китапханәсендә булдык.

Акция "Россия без табака" Шушмабаш урта мәктәбенең "SMAK"  Самостоятельные дети отряды авылның халык күп йөри торган урыннарында булып, агитация үткәреп кайттылар. Сәламәт булыйк!

Бүген лагерьның унбишенче көне .Экологик тәрбия бирү атнасы атнасы кысаларында лагерыбызда бүгенге көн “ Табигатьне яратабыз” дип исемләнгән иде. Экология  темасына Фәридә Марселевна  балаларга “Тамчы-шоу” үткәрде. Ике командага бүленеп ярышучы балалар табигать кә багышланган куп кенә сорауларга җаваплар эзләделәр.

Шушмабашның чишмәләрен барлап, исемнәрен атап “Чишмә суы – тәнгә дәва” дигән девиз астында  чишмәләрне чистарту акциясендә актив катнаштык. Көнебез бик файдалы үтте.

Лагерьда бүген экологик тәрбия бирү атнасы кысаларында “Сәяхәтләр көне”игълан ителде.Иртәнге зарядка ясап,ашханәдә тәмле ашлар ашап алгач,план буенча авылның төрле урыннарына экскурсия оештырылды. Көннең икенче яртысында “Кунакта үзеңне ничек тотарга” дип исемләнгән уен-дәрес үткәрелде. 

Бүген лагерыбызда көнебез “Уйныйбыз да, җырлыйбыз” дип исемләнгән иде. Тәмле ашлардан соң без отрядларга бүленеп кәгазьдән кисеп,ябыштырып бик матур “Арыслан” ясадык.  Арысланларыбыз үзебез кебек төрле-төрле килеп чыктылар.Эшләгән эшләребезне күреп бик сөендек. Кечкенәләр пластилиннан “Хайваннар дөньясында” дигән темага төрле йорт,кыргый хайваннар әвәләделәр. Эшләгән эшләребездән күргәзмә ясап куйдык. Саф һавада татар халкының җырлы-биюле милли  “Наза”,”Йөзек салыш” уеннарын уйнадык.