22-25 апрель көннәрендә Казан шәһәрендә  татар теленнән VII Халыкара олимпиада үтте.Быелгы олимпиадада Россиянең төрле төбәкләреннән ,Төркия, Финляндия, Кыргызстан, Дубай, Бөекбритания, Австралия кебек илләрдән  500 ләп укучы, студент катнашты.Шушмабаш урта мәктәбенең 8 нче сыйныф укучысы Һадиева Рамилә,9 нчы сыйныф укучысы Кәримова Алинә дә (укытучылары Сабитова Тәслимә Әфләтун кызы) әлеге бәйгедә катнашу хокукына ия булдылар. Татар теленнән районда 1 нче урын,республикада призлы урыннар яулап,укучыларыбыз Халыкара олимпиадада  катнаштылар. Анда татар теле, әдәбият, Татарстан тарихы  буенча белемнәрен күрсәттеләр,”Дөнья киңлегендә Татарстан”темасына проект эшләре яклап, Дипломнарга лаек булдылар.Олимпиада программасына   күңел ачу чаралары,Казанның истәлекле урыннарында булу кертелгән иде.Укучыларыбыз бик күп дуслар табып, чит төбәктә яшәүче татарлар белән аралашып,ял да итеп кайттылар.

   Бүген Шушмабаш урта мәктәбе коллективы изге гамәл башкарды : укытучылар, техник хезмәткәрләр чишмә чистарту операциясе оештырдылар. Биләнгәр чишмәсен чүп-чардан арындырып, тирә -юнен тырмалап, су юлын ачып җибәргәч , чишмәбезгә икенче сулыш өрелгәндәй булды. Чишмә  юлчыларны үзенең шифалы , саф суы белән сыйлады.  Чишмә суы кебек саф,  гадел, киң күңелле, эчкерсез булыгыз, хөрмәтле коллегаларым!!!   . 

 Бүген Шушмабаш урта мәктәбендә "Агач утырту көне " үткәрелде. Укучылар агач үсентеләре  утырттылар, утыртылган агач төпләрен тәрбияләп, табигатькә бик файдалы гамәл кылдылар. 

   Шека башлангыч мәктәбендә, балалар бакчасы белән берлектә, Габдулла Тукайның туган көне билгеләп үтелде. Укучылар Тукай шигырьләрен  сөйләделәр, аның әсәрләрен сәхнәләштерделәр.

20 апреля в школе проведен "Урок цифры. Управление проектами".Участие в «Уроке цифры» дает возможность  каждому ученику узнать о важности развития цифровых навыков, проявить себя и познакомиться с основами программирования в доступной и увлекательной форме.  

18 апрель көнне Казанда 16-18 яшьлек егетләр һәм кызлар командалары арасында автоузыш буенча республика конкурсы узды. Ярышларда Татарстанның 32 шәһәреннән һәм районыннан 32 команда составында 100дән артык Яшь автомобильче катнашты.

     Конкурсны оештыручылар - Министерство образования и науки Республики Татарстан, УГИБДД МВД по Республике Татарстан, ГБУ «Безопасность дорожного движения», ТРО ОО «Всероссийское общество автомобилистов», ЧОУ ДПО «Детская юношеская автомобильная школа», РОГО «ДОСААФ Республики Татарстан».  Ярышлар шәхси һәм команда зачетларында узды. Катнашучылар юл хәрәкәте кагыйдәләрен белүләрен һәм авыр күнегүләрне үтәгән вакытта  җиңел автомобиль белән идарә итүнең гамәли күнекмәләрен күрсәттеләр.

     Командалар арасында беренче урынны «Балалар яшүсмерләр автомобиль мәктәбе» (Казан шәһәре), икенче урынны - «Балалар яшүсмерләр автомобиль мәктәбе» Чистай филиалы яулады, өченче урынны -  Арча районыннан ДОСААФ вәкилләре яулады. Ә алар – безнең Шушмабаш урта мәктәбебезнең  “Автодело” түгәрәге җитәкчесе һәм технология укытучысы  Шаймарданов Әнис Равилевич җитәкчелегендә 10 класс укучылары – Сафин Марат, Степанова Алинә һәм 11 класс укучысы – Хадиев Илгиз иделәр. Чын күңелебездән аларны зур җиңүләре белән котлыйбыз һәм горурланабыз.

    Җиңүчеләребез дипломнар һәм кыйммәтле бүләкләр белән бүләкләнделәр.

   Бүген укучыларыбыз Арча педагогия көллияте үткәргән "Фән һәм без" муниципаль  фәнни-гамәли конференциясендә уңышлы чыгыш ясадылар: 10 класс укучысы Набиев Д. -1 урын, 8 класс укучылары Сагдуллин А. һәм Шакиров Р .-2 урын, 7 класс укучысы Фаттахова А. -2 урын, 8 класс укучысы Файзрахманова Г.  -3 урынны алып кайттылар.Конференциядә җиңүче укучыларны һәм аларның  фәнни җитәкчеләрен уңышлары белән котлыйбыз!