24 октябрь көнне мәктәптә "Мостай Кәрим-халык шагыйре " дип исемләнгән әдәби-музыкаль композиция үткәрелде. Кичәдә шагыйрьнең үз тавышы белән әсәрләре тыңланды, аның биографиясе, тормыш юлы , иҗаты белән танышу булды.

18 октябрь көнне Арчада  "Дус сыйныф серләре" ата-аналар комитеты конкурсы булып үтте. Конкурста безнең мәктәпнең 7 класс укучылары  әм аларның әти-әниләре катнашты .Команда "Көрәшчеләр" исеме астында чыгыш ясады.  Укучылар һәм әти-әниләр матур чыгышлары , көрәштә җиңеп алынган  медальләр һәм грамоталардан торган күргәзмә,  эшлекле проектлары белән тамашачыларны сөендерделәр.Рәхмәт сезгә!!!

 17 октябрь көнне мәктәбебездә участковый уполномоченный полиции Хисамиев Л.А.  белән очрашу булды. Ленар Альтафович  укучыларга профилактик әңгәмә үткәрде. Юлда йөргәндә куркынычсызлык кагыйдәләре , велосипедта йөрмәү, чит ят кешеләр белән аралашмау,спиртлы эчемлекләр кулланмау ,  кич чыгу  буенча аңлатулар булды. Тәртип бозган өчен җаваплылык төрләре искәртелде.

Мәктәбебебездә район олимпиадаларының мәктәп этаплары үтә. Бүген биология һәм физкультура фәннәреннән олимпиада үтте.

     12 октябрь көнне "Казан" агропракында белем бирү учреждениеләренең традицион ярминкәсе гөрләде. Ярминкәдә безнең мәктәп коллективы да читтә калмады. 

 4 октябрь көнне Укытучылар көне уңаеннан бик күп чаралар үтте. Үзидарә көне буларак, 9-11 класс укучылары укытучыларны алмаштырып дәрес бирде. Мәктәп директоры Шаймарданова Р.Г. белән "Классная встреча" исемле очрашуда укучылар бик күп сораулар биреп кызыксынучанлыкларын күрсәттеләр.

4 октябрь конне Арча стадионында 11 класс укучыларынын ГТО нормаларын тапшыру оештырылган иде. Бу чарада безнең мәктәп укучыларыда читтә калмады.

Шушмабаш урта мәктәбендә озак еллар эшләп лаеклы ялга чыккан ветераннарыбыз Кишеттә урнашкан Советлар Союзы герое Гани Сафиуллин музеена сәяхәт кылдылар.

Өлкәннәр көне уңаеннан мәктәбебезнең укучылары өлкән яшьтәге әби-бабайларның хәлләрен белеп,бәйрәм белән котлап,йорт эшләрендә ярдәм итеп кайттылар.