Бүген мәктәбебезнең 9 класс укучысы Гараева Н., 10 класс укучылары Нигматзянова Н., Каримова А. Казан Федераль институты үткәргән биология фәне буенча предметара олимпиаданың икенче , очный этабында катнашып кайттылар. 

   Мәктәп хоккей мәйданчыгында көн озын балалар тавышы тынмый.Көндез фигуралы шуу уеннары үткәрелсә, кич белән хоккей ярышлары уздырыла. Укучылар ялны файдалы да, күңелле дә үткәрәләр.

Яңа ел каникуллары бик күңелле үтә. Һава шартлары бик яхшы, саф һавада балалар рәхәтләнеп чана шуалар. 

Бу көннәрдә мәктәбебездә бер-бер артлы Яңа ел бәйрәмнәре гөрләп үтте. Яңа еллар имин булсын. 

Мәктәбебездә тагын да Яңа ел төсе итеп атна башыннан башлангыч һәм олы класслар тарафыннан ясалган фотозоналар эшли башлады. 

Бүген мәктәбебездә 9 класс укучыларының ата-аналары белән II чирек нәтиҗәләре һәм чыгарылыш имтиханнарына әзерлек буенча конструктив җыелыш булып узды. Һәрбер имтиханга хәзерләүче укытучы анализ ясады, планнар куелды.

Мәктәбебездә Яңа ел рухы хөкем сөрә. Ямь өстенә ямь өстәп укучылар Арча районы администрациясе бүләкләре белән бүләкләнделәр. 

 Мәктәптә Яңа ел фотозоналары эшли башлады. Башлангыч класслар зәвыклы, искиткеч матур фотозоналарына теләүчеләрне фотога төшәргә чакырып кала.

Профсозлар арасында суда йөзү буенча ярышларда мәктәбебез укытучылары яхшы нәтиҗәләр алып кайтты.  Файзрахманова Г.И. - 3урын, Самигуллин Ф.Ф.-2 урын. Эстафетада -3 урын. Афәрин. 

    5-7 класслар табигать фәннәре атналыгы кысаларында мини - проект эшләре яклады. "Матур гөлләр үстерик!" дип исемләнгән  ачык чарада укучылар өйдә үсә торган гөлләр турында информация бирделәр, аларны карау-тәрбияләү серләре белән уртаклаштылар, матур фотографияләр  тәкъдим иттеләр.