Сегодня учащиеся нашей школе приняли участие в соревновании по футболу (финал), который прошел в г. Арск. Поздравляем их достойным 2-местом. Молодцы!

         Бүген мәктәптә өмә оештырылды. Мәктәп хезмәткәрләре мәктәп яны территориясен тәртипкә китерделәр.Матур, чиста, ерактан ук балкып, гөл-чәчәкләргә күмелгән мәктәбебез укучыларын кабул итәргә әзер!

         12 августта Шушмабаш мәктәбе спорт мәйданчыгында    8 август - физкультурниклар көне уңаеннан спорт бәйрәме узды. Шушмабаш, Апаз, Хәсәншәех, Носы мәктәпләреннән килгән спорт яратучы балалар  футбол буенча зона ярышында катнаштылар. Кикеренке уенда 1 урынга Шушмабаш, 2 урынга Апаз, 3 нче урынга Носы командалары лаек дип табылды. Әлеге бәйрәмдә авылдашыбыз,  Арча районының гер күтәрү федерациясе президенты Гомәров Рөстәм Кәлимуллович гер күтәрү буенча ярыш оештырды. Ярышта җиңүчеләрне бүләкләр белән сөендерде. "Таттелеком" компаниясе исә балаларга чын-чынлап зур бәйрәм ясады: төрледән-төрле конкурслар, кызыклы уеннар, матур-матур бүләкләр, искиткеч концерт программасы  әлеге спорт бәйрәмен тагын да матурайтты. Шушмабаш мәктәбе коллективы, авыл халкы чараны оештыручыларга олы ихтирамын, тирән рәхмәтен җиткерде.

11 август көнне безнең мәктәптә “Баланы мәктәпкә әзерләргә булыш! “ акциясе кысаларында зур бәйрәм уздырылды.Арча муниципаль районы башкарма комитеты яшьләр, спорт һәм туризм эшләре буенча бүлек җитәкчесе Сагитов Зиннур Вазих улы быел 1 класска укырга баручы балаларга мәктәп сумкасы һәм уку әсбаплары бүләк итте. Бәйрәмдә Шекә, Носы,  Сәрдәбаш мәктәбеннән дә балалар катнашты. Алар бергәләп җырладылар, биеделәр, күңел ачтылар. Безнең нәни дусларыбызны сөендергәннәре өчен район җитәкчеләренә, мәктәп коллективы һәм әти-әниләр исеменнән зур рәхмәтебезне белдерәбез. Мәктәп бусагасын тәүге тапкыр атлап кергән укучыларыбызга ак юллар теләп калабыз.

   Һава торышының тотрыксыз булуына карамастан мәктәп бакчасындагы суган  бик яхшы уңыш бирде. Түп-түгәрәк, зур, барысы да бер зурлыктагы суганнарны җыю күңелгә рәхәтлек бирде.Тәрбия һәм күңел җылысыннан башка мондый уңышны җыеп булмый шул!

   Мәктәптә кызу урак өсте:   ашханәдә пешекче апалар ел буена җитәрлек карлыган кайнатмалары әзерлиләр. Укучылар бакчада мәш килсә, укытучылар мәктәп эчендә мәктәпне кабул итүгә әзерләнәләр.

     В республике продолжается акция "Помоги своей школе!", инициированная Президентом Республики Татарстан Р.Н.Миннихановым. Уважаемые выпускники, поддержим  Республиканскую акцию " Помоги своей школе!".  Посетите свою школу, узнайте, чем она живет,  окажите ей помощь. Ваше добро вернется  к вам  бумерангом!

    Мәктәбебездә яңа уку елына әзерлек эшләре гөрләп бара. Бүгенге көндә мәктәп яны тәҗрибә участогында практика үтүче укучылар  карлыган җыю белән мәшгуль ." Бакча җитәкчесе Шаймарданов Әнис Равилевич һәм Хашимова Ләлә Фуатовна белән көннең үткәнен сизми дә калабыз," -ди алар. Һава торышының көйсез торуы да бик комачаулык тудырмый.    Аллы -гөлле чәчәкләргә күмелгән бакчабыз, яшелчә һәм җиләк-җимешне мул бирүче тәҗрибә участогыбыз - бердәм һәм тырыш хезмәт нәтиҗәсе.

          Мәктәбебездә чыгарылыш кичәләре үтеп китте... Күңелләрдә зур горурлык хисе, бераз гына моңсу да. Мәктәпне бетергән чыгарылыш класс укучыларына һәм 9 классны бетереп төрле уку йортларына юнәлгән укучыларыбызга зур уңышлар телибез. Мәктәбебез ишекләре сезнең өчен ачык!!!

1941нче елның 22 нче июнь көне...Шекә авылында яшәп,бүген 90 яшьлек юбилеен каршы алучы Бөек Ватан сугышы ветераны Кәримов Хәбир абый аны бүгенгедәй хәтерли.Чөнки аңа ул көнне 16 яшь тула.Сугыш башлангач та аның әтисен фронтка алалар.1942 нче елда тиф авыруыннан әнисе үлеп китә.Алар 4 бала үзләре генә яшәп калалар.1943 елда егетнең үзен дә сугышка алалар.1944 елда каты яралана,бер аягын кисәләр.Туган авылына егет култык таяклары белән кайтып төшә.1945 елда авылның уңган кызы Бибирәшидә белән гаилә корып,11 балага гомер бирәләр.Бүгенге көндә 20 оныклары,24 оныкчыклары бар.Улы һәм килене тәрбиясендә кадер-хөрмәттә яшиләр.

    Хәбир абыйны юбилее белән котларга район башкарма комитеты җитәкчесе Илшат Нуриев,"Северный" ширкәте җитәкчесе Рөстәм Хәйруллин,Шушмабаш авыл җирлеге башлыгы Вәзир Сәгыйтов килде,бүләкләр тапшырды.Без дә мәктәп коллективы исеменнән ветеранны юбилее белән котлап кайттык.

     Аңа бәрәкәтле гомер,сәламәтлек,тигез тормыш телибез.