15 май көнне мәктәбебезнең башлангыч класс укучыларының ата-аналар җыелышы булды. Җыелышка участок инспекторы Хисамиев Л.А. чакырылды. Ул җәйге каникул чорында балаларның иминлеген саклау турында чыгыш ясады. Әти-әниләрнең күп санлы сорауларына җавап бирде. Әти-әниләргә лагерь эшчәнлеге турында мәгълүмат бирелде, балаларны йөртү соралды. Җыелышның икенче өлеше классларда дәвам ителде. Төп көчне уку елын уңышлы тәмамлауга багышларга!

Сегодня учащиеся нашей школы приняли участие в соревновании по легкой атлетике, проводившийся на стадионе ДЮСШ "Арча"

Мәктәбебез укучылары Казан Арена стадионында урнашкан КидСпейс балалар шәһәрчегендә 3 сәгатьлек сәяхәт кылды. Әлеге үзәк балаларны мөстәкыйльлеккә өйрәтә, үзләренә ышаныч уята. Балалар рәхәтләнеп ял итте, үзләрен төрле һөнәрдә сынады.

Бөек  Җиңүнең 70 еллыгына багышланган митингта 2 класс укучылары үзләренең эчтәлекле чыгышлары белән кунакларны сөендерде. Бәйрәмнең 2 нче өлешендә башлангыч класс укучылары әзерлегендә зур концерт булды. Укучылар хәтерендә әлеге бәйрәм озак сакланыр.

Шекә авылында зур вакыйга - обелиск ачу тантанасы булды. Сугыш һәм тыл ветераннары, район башлыгы  Нуриев Илшат Габделфәртович, авыл халкы, килгән кунаклар белән берлектә тантаналы рәвештә һәйкәл ачылды. Шекә авылыннан сугышта 94 кеше  ятып кала, бары тик 68 енә генә туган ягыбызга әйләнеп кайтырга насыйп булган.Һәрбер буын  үзенең тарихын белергә тиеш!

       Бүген Шушмабаш мәктәбенең барлык укучылары һәм укытучылары матур шарлар, чәчәкләр тотып, лозунг-транспорантлар күтәреп авылыбыз урамнары буйлап марш атлап үттеләр. Авылыбызның олысы-кечесе капка төпләренә чыгып укучыларыбызның ялкынлы патриотик җырларын яратып тыңладылар, үзләренең яшь вакытларын искә төшергәннәре өчен  , укучыларга һәм укытучыларга олы рәхмәт хисләрен җиткерделәр. Бөек Җиңүнең 70 еллыгына багышланган тантана мәдәният йорты каршында Җиңү һәйкәле янында дәвам итте. 50 укучы катнашындагы хор, кечкенә Зәлиянең хорга кушылып сокландыргыч итеп җырлавы, 2 класс укучыларның   шигырьләрне һәм җырларны шундый оста итеп башкаруы, мәктәбебез горурлыгы булган укучыларыбызның хәрби марш атлап үтүләре беркемне дә битараф калдырмады.Ә аннары бәйрәм рухы мәдәният йорты эчендә дәвам итте. Биредә театр түгәрәгенә йөрүче укучыларның "Көтеп узган гомер" дип исемләнгән сугыш вакыйгаларын сурәтләгән спектакле, башлангыч класс укучыларының  зур концерт программасы тәкъдим ителде. Шулай ук Шушмабаш авылының электрон хәтер китабын тәкъдим итү булды. Ветераннарыбыз укучыларыбызга һәм мәктәп коллективына тирән , эчкерсез рәхмәтләрен әйтеп иң изге теләкләрен теләделәр. Бәйрәмнең 3нче өлеше мәдәният йорты фойесында дәвам итте. Биредә мул табыннар артында әби-бабайларыбыз үзләренең хатирәләре белән уртаклаштылар,   күңел түрендә йөрткән хисләрен шигырьләр аша җиткерделәр.Киләсе Җиңү бәйрәмнәрен  дә тулы залларда , тыныч тормышта ак яулыклы әбиләребез һәм бабайларыбыз белән каршыларга язсын иде!

Шекә башлангыч мәктәбендә сугыш чорында туган, балачаклары сугыш  вакытына туры килгән әби-бабайлар чакырылды.Укучылар концерт номерлары күрсәтте.Әтиләре сугышып йөргән чакта,

Аларның яңа туган елы булган.

Капчык аскан егермеләп хатын

Басуларга кайтып егылган.

Тәпи йөрер- йөрмәс бала- чага

Буразнадан билчән утаган.

Илгә- икмәк, авыл үзе өчен

Көлчә салган алабутадан.

Бер бәләкәй көлтә ега алган

ул елларның хуҗасын.

Район мәдәният йортында сәләтле балаларны хөрмәтләү тантанасы булып үтте. Укучыларга мактау грамоталары, рәхмәт хатлары, акчалата бүләкләр тапшырылды. Бу бәйрәмдә спорт өлкәсендә ирешкән уңышлары өчен мәктәбебезнең 8 класс укучысы Каримов Камил дә мактау грамотасы һәм акчалата бүләк белән бүләкләнде. Камилнең уку өлкәсендә уңышлары да бик куанычлы. Камилне чын күңелдән котлыйбыз, иҗади уңышлар һәм сәламәтлек телибез.

Мәктәбебездә Бөек Җиңүнең 70 еллыгын каршыларга ныклы әзерлек бара. Башлангыч класс укучылары үз куллары белән ясалган эшләнмәләрдән күргәзмә оештырдылар.  Һәркемнең эше мактауга лаек. Яшь буынның сугыш афәтен онытмыйча, тыныч тормышның кадерен белеп үсүе зур куаныч.
 

29 апрель көнне мәктәбебезнең 3 нче һәм 6 нчы класс укучылары Казан шәһәрендә КидСпейста булып кайттылар. Биредә урнашкан 20 төрле уен мастерскоеның үз күңелләренә ошаганында төрледән-төрле һөнәрләр белән таныштылар, үзләрен әлеге рольдә сынап карадылар. Балалар  шәһәрчегенә сәяхәт укучыларга бик ошады.