1. Өлкән класс укучылары өчен интернет челтәрендә бердәм куркынычсызлык дәресе балаларны Интернет челтәренең өстенлекләре һәм куркыныч яклары белән таныштырды, электрон почта, социаль челтәрләр информацион продуктлар белән эш иткәндә сак булырга өйрәтте. Укучылар  кызыксындырган сорауларга җаваплар алдылар, үз фикерләрен әйттеләр. 

Бүген 6 сыйныфта 15- октябрь Хәтер көненә багышланган тәрбия сәгате үтте. Укучылар явыз патша Иван Грозныйның Казан шәһәрен ничек басып алуы, борынгы бабаларыбызның батырлыклары, ни өчен бу көннең Хәтер көне буларак билгеләнеп үтүе белән таныштылар. 

17 октябрьдә мәктәбебездә “Парламент дәресе” кысаларында класс сәгатьләре үтте. 5 нче класс укучылары “Мин гражданин” темасы буенча әңгәмә алып бардылар. Алар дәүләт символларын искә төшерделәр. Гражданинның кем икәнен, аның алдында нинди хокук, бурычлар торганлыгын ачыкладылар. Класс сәгате бик тә җанлы барды, укучылар үзләрен кызыксындырган сорауларга җавап таптылар.

Сегодня в нашей школе прошел Единый урок безопасности в сети интернет с участием учащихся 8 и 9 классов. 

Укытучылар көне уңаеннан Үзидарә көнендә дәрес бирүче укучылар һәм педагогик коллектив белән түгәрәк өстәл үткәрелде.Укучылар үзләренең дәрес биргәннән соң алган тәэсирләре  белән уртаклашты .Укытучы һөнәренең нинди җаваплы. авыр хезмәт икәнен үз җилкәләрендә татыган бу укучылар остазларына рәхмәт сүзе җиткерде. Мәктәп директоры укучыларга махсус сертификатлар тапшырып, уңышлар теләде.

     Укытучылар көне уңаеннан бүген мәктәптә Үзидарә көне үтә. 8-11 класс укучылары , ныклы әзерлек белән, хезмәтләренә бик җитди карап, чын-чынлап укытучылар булып дәрес бирә!.  Остазларының киңәшләрен истә тотып, матур презентацияләр,эчтәлекле видеофрагментлар,  укучылар чыгышлары белән тулыландырылган әлеге дәресләр балаларыбызның күңелендә озак сакланачак эле...

       Шушмабаш урта мәктәбендә “Укытучылар җидекөнлеге” акциясе старт алды.  “Укытучыма-бишлем! ” акциясендә укучылар атна буе тырышып “5” билгесе алачаклар, ә иң күп “5” алган укучыларны истәлекле бүләкләр көтә.

 “ Бәйрәм бизәлеше”  акциясе  кысаларында мәктәп кабинетларында  “Укытучылар көне” темасына махсус композицияләр ясалды. 

         Мәктәбебездә “Укытучылар җидекөнлеге”   кысаларында   “Укытучыңны котла! ” акциясендә укучылар укытучыларга булган эчкерсез теләкләрен матур , оригиналь котлаулар аша җиткерде.

                                         1 октябрь-Өлкәннәр көне уңаеннан мәктәбебездә хөрмәтле ветеран укытучыларыбыз һәм техник хезмәткәрләр белән очрашу оештырылды. Чәй өстәле артында, җылы атмосферада кунакларыбыз рәхәтләнеп аралашты, җыр-моң, күңелле уеннар, истәлекле фотолар ,  күңелле хатирәләр белән уртаклашты. Беренчел профсоюз оешмасы җитәкчесе Муртазина Ф.С. үткәргән “Логика кайда?” интеллектуаль уены барлык ветераннарның күңеленә хуш килде.Бәйрәм ахырында кунакларыбызга чәчәк букетлары һәм күчтәнәчләр тутырылган пакетлар бүләк ителде.

     Бүген "Экстремизмга-юк! " айлыгы кысаларында һәм укучыларның иминлеген булдыру юнәлешендә рәсемнәр конкурсы үткәрелде. 5-7 класс укучылары үзләренең террорчылык һәм экстремистлыкка карата мөнәсәбәтләрен рәсемнәр һәм лозунглар аша җиткерделәр.