Укучыларыбыз Сагдуллин Алмаз һәм Гараева Назлыгөл "Фән һәм без"  фәнни конференциясендә катнашып 2 нче дәрәҗә дипломга лаек булдылар. Үз проектларында алар Л.Толстой иҗатын физика фәне белән бәйләп күрсәттеләр. (Җитәкчеләре Файзрахманова Г.И. һәм Нуриева Р.Р.) Алда да уңышлар теләп калабыз!

      24 март көнне мәктәптә ата-аналар җылышы үткәрелде. Җыелышта  3 чиреккә йомгак ясалды,    язгы каникулларда куркынычсызлык кагыйдәләре буенча инструктаж үткәрелде. Шулай ук 24 март-туберкулезга каршы көрәш көне уңаеннан  әти-әниләргә информация җиткерелде. Аннан соң     әти-әниләр белән әңгәмә  класс җыелышларында  дәвам итте.

24 - март - Туберкулезга каршы көрәш көне.

  Тәрбия завучы һәм биология укытучысы Самигуллина Ч.М.  туберкулез авыруы турында ата - аналар җыелышында чыгыш белән чыгып профилактик уку  үткәрде

Табигать фәннәре кысаларында экологик даталарны барлау дәвам итә

Кошлар турында мәгълүмат бирүче видео - тәнәфесләр эшләнде.Укучыларга - Россиянең иң матур сайраучы кошлары турында, искитмәле очышлары турында видеотасма куелды.Тәнәфесләрдә күңелле кошлар оркестрын һәркем кызыксынып тыңлады.

Табигать фәннәре кысаларында  география укытучысы Хадиева РР. - "Туган авылым урамын кабат - кабат урадым "- дип исемләнгән видео - беседа үткәрде. 8-10 класс укучылары, өчен укытучы авыл турында матур шигырь юллары белән башлап, Шушмабаш авылы урамнарын тану биреме бирде һәм һәркемнең үзенә кадерле үз авылы, үз урамы, үз йорты булуы үзе зур байлык булуын  җиткерде. Укучыларга укытучының шәхси әзерләнгән Тукай урамы һәм анда яшәүче шәхесләр белән интервьюсы тәкъдим ителде

Табигать фәннәре атналыгы кысаларында  биология укытучысы Хадиева Р.Р.  - 9 -11 класслар өчен "Табигать фәннәре патшалыгында " дип исемләнгән класстан тыш чара  үткәрде. Чарада 6 станция эшләде. 10 класс укучылары партадаш дусты белән һәр станциядә 5 минут эчендә  белемнәрен сынадылар.Ә станция җитәкчеләре 9 класслар инструкөия буенча биремнең үтәлешен күзәттеләр, ә 11 класс укучылары экспертлар булып күзәтеп йөрделәр, кирәк булса ярдәм күрсәттеләр. Һәр тукталыш биологиянең  аерым бер тармагын ачты. Чарада мәсьәлә дә чишелде, тәҗрибә дә ясалды, уйлыйсы да, таныйсы да булды. Уен аша белемнәрне чарладык.

   1 апрель - Бөтендөнья Кошлар көне уңаеннан һәм табигать фәннәре атналыгы кысаларында мәктәптә Кошлар көне үткәрелде. Бәйрәмдә 5-7 класс укучылары катнашты. Укучылар төркемнәргә бүленеп   аерым темаларга проектлар ясадылар. Кош сайраулары тыңлап, матур видеофрагментлар карый-карый проект эшләрен булдырып, аларны яклап та күрсәттеләр.Фантазияләрегез саекмасын, иҗади уңышлар сезгә, укучылар!

Табигать фәннәре кысаларында  Химия укытучысы Фатхрахманова Лилия Шагимулловна 9 класста "Кальций һәм аның кушылмалары" темасына ачык дәрес үткәрде. Дәрес укучыларга белем бирүнең төрле алымнарын кулланып алып барылды. Нык эшлекле дәрестән һәркем зур белем багажы алды. Укучылар үз хезмәтләренә бәя бирделәр,фән белән тирәнтен кызыксынуларын күрсәттеләр.