28 декабрь көнне балалар бакчасында яңа ел бәйрәме үтте. Бәйрәмгә балалар җырлар, биюләр, шигырьләр өйрәнделәр, Кыш бабай белән Кар кызын каршы алдылар. Көтелмәгән кунаклар килде. Иң актив гаиләләргә рәхмәт хатлары тапшырылды. Бәйрәм бик күңелле булды.

Балаларны фантастик образлар рәсемен ясарга өйрәтүне дәвам итү, рәсемне төрле детальләр белән тулыландыру күнекмәсе булдыру. Сүрәтне кәгазь битендә урнаштыру күнекмәсен ныгыту. Балаларны рус халык әкиятләре белән таныштырып, иҗади күзаллауларын үстерү, үз әкият образларын уйлап табуларына ирешү.

Кечкенәләр төркемендә "Бүләккә пирамидалар" темасына кисеп-ябыштыру шөгыле. Аппликациядә уенчыкларның образларын бирә белергә, берничә өлештән торган предметларны сүрәтли белергә өйрәтү, активлык, күзәтүчәнлек, мөстәкыйльлек тәрбияләү .

Яңа елга әзерлек эшләрен башлап җибәрдек. Тырышып кар сыннары ясадык.Якынлашып килүче Яңа ел белән дуслар!

Зурлар һәм мәктәпкә әзерлек төркеме белән математика шөгыленнән сыек матдәләрне үлчәргә өйрәндек, эш дәфтәрләрендә бирелгән биремнэрне үтәделәр.

Кисеп ябыштыру шөгыле  балаларның иң яраткан шөгыльләренең  берсе булып тора. Аларның төсле матур кәгазьләргә карап күңелләре күтәрелә, шулай ук кисеп ябыштыру техникасы балаларның кызыксынучанлыкларын арттыра. Кисеп ябыштыру шөгыле балаларның  сөйләм үсеше белән дә бәйләнгән. Балаларның сүзлек запаслары арта.  Мәктәпкәчә яшьтәге төркемдә тәрбияләнүче балалар да кисеп ябыштыру шөгылен үз итәләр. Бүгенге шөгыльдә без балалар белән төсле кәгазьдән "Яңа ел" открыткасын ясадык. Балаларга бик ошады.

Мәктәпкәчә балачак –бала тормышының иң әһәмиятле чоры. Шушы  чорда ул кечкенә тикшерүчене  хәтерләтә. Алар зур кызыксыну белән әйләнә-тирә мохитны өйрәнәләр.Бала эшчәнлегендә никадәр төрлелек булса, баланың һәрьяклы үсеше камилрәк була. Менә    шуңа күрә дә балалар бакчасында сурәтләү эшчәнлегенә зур игътибар бирелә.Сәнгать эшчәнлеге балага зур сөенеч китерә. Бу эшчәнлек вакытында  балалар үзләренең күргән,тойган әйберләрен сурәтләп кенә калмыйлар, ә предметка хас үзенчәлекле билгеләр белән дә танышалар .     Мәктәпкәчә яшьтәге балалар өчен рәсем эшчәнлеге иң кызыклы эш төрләреннән санала.Рәсем эшчәнлеге балаларның иҗади мөмкинлекләрен  ачарга  ярдәм    итә. Без бүген зурлар һәм мәктәпкә әзерлек төркемендәге балалар белән "Тылсымлы кош" ясадык.

Көн саен көндезге йокыга кадәр, йокыдан соң мәктәпкәчә яшьтәге төркем  балалары аяк табаннарының кан йөрешен яхшырту өчен махсус ясалган юл буйлап йөриләр. Шулай ук  бу күнегүләр яссы табанлылык профилактикасы да булып торалар. Балалар бу массаж юлыннан бик теләп атлыйлар.

Бүген кечкенәләр төркеме белән рәсем шөгылендә бармаклар ярдәмендә зәңгәр төстәге кәгазь битенә кар яудырдык.
Зурлар һәм мәктәпкә әзерлек төркеме математикадан сәгать макетында вакытны билгеләү күнекмәсен, шакмаклы дәфтәр битендә дөрес ориентлашу күнекмәсен ныгыту, күппочмаклар турында белемнәрен баету, бишпочмаклык, алтыпочмаклык геометрик фигуралар белән таныштыру булды.

Бүген балалар бакчасында "Әнием-иң кадерлем" дип исемләнгән бәйрәм булды. Балалар әниләренә багышлап матур шигырьләрен сөйләделәр, җырладылар, биеделәр. Бәйрәм бик күңелле булды.