Безнең балалар бакчасыннан- Галиев Самир "Шигьриятнең якты йолдызы" конкурсында катнашып, уңышлы чыгыш ясап кайтты.

Язга керү белән,  гадәттәгечә, әйләнә-тирәбезне тәртипкә китерү, чүп-чардан арындыру эшләре башлана.  19 апрель  көнне  бездә  территорияне чистарттык. Күңелебез чиста булса – әйләнә-тирәбездә дә чиста булыр!

Күп санлы заманча уйлап табулар автоном чыганакларына мохтаҗ булган энергия – аккумуляторларда һәм батарейкаларда. Тик иртәме яки соңмы һәр батарейка сафтан чыга һәм аны ташларга кирәк була. Әлеге кечкенә матдәләрнең әйләнә-тирә мохиткә һәм кеше сәламәтлегенә ни дәрәҗәдә көчле тәэсир иткәнен күпләр әле белми. Шул уңайдан безнең балалар бакчасында “Батарейканы тапшыр - планетаны коткар “ дигән экологик акция үткәрелде. Барлык төркемдә тәрбияләнүче балалар һәм аларның әти-әниләре батарейкаларны утильләштерүгә алып килделәр. Безнең акция, анда катнашучыларга  ташланган батарейкаларның туфракка, үсемлекләргә һәм хайваннарга зыян китерүен аңларга  һичшиксез ярдәм итәр.

Безнең тагын бер язгы бәйрәмебез бар. 12 апрель

Космонавтика көнен билгеләп үтәбез. 1961 нче елның 12 апрелендә, дөньяда беренче буларак, бортына кеше утырган “Восток” космик корабле җир тирәли орбитага чыгарылды. Бу кеше-очучы космонавты Юрий Алексеевич Гагарин. Ул илебез хөкүмәте тапшырган эшне үтәде.Узган гасырны галимнәр,язучылар һәм журналистлар төрлечә атадылар: атом гасыры, генетика гасыры, кибернитика гасыры һ.б. Иң еш кулланыла торган торган атама “Космик гасыры”булгандыр. Чыннан да,1957 нче елның 4 нче октябрендә Советлар Союзында Җирнең беренче ясалма иярчененең тиешле орбитага чыгарылуы күпләр өчен көтелмәгән вакыйга, могҗиза булды.Ясалма күк җисеме зур да, авыр да түгел иде: диаметры 580 мм, массасы 83,6 кг. Совет иленең космостагы көмешсыман ак шар рәвешендәге беренче “вәкиле” нең , 15 һәм 7,5 метрлы дулкында эшләгән ике радиотапшыргычы яңгыраган “бип-бип” дигән сигналлары космик эра башлануы турында игълан итте.  

а2Бүгенге көндә экология дөнькүләм әһәмиятле, мөхим мәсьәләләрнең берсе булып тора. Ул үзенең актуальлеге белән бөтен кешелек алдына килеп басты. Чөнки киләчәк буыннар язмышын фән- техника казанышлары гына түгел, ә җир- суларның экологик торышы да хәл итә. Җитештерү эшчәнлеге арткан саен, экологик проблемалар да күбәя генә бара. Бу проблемаларның үзебез яши торган урында чагылуы да һәрбер тәрбиячедә борчу тудыра. Килеп чыккан хәлдән чыгуның бердәнбер юлы- кешеләрдә экологик аңлылык, культура дәрәҗәсе.  Ә моңа балаларга кече яшьтән экологик тәрбия биреп кенә ирешеп була.

     Моның өчен без үзебезнең Иске Төрнәле балалар бакчасында экологик шартлар тудыру максаты белән табигать почмагы булдырдык. Анда балаларның яшь үзенчәлегенә туры килә торган гөлләр утырттык. Беренчедән, балалар бүлмә гөлләрен танып белергә өйрәнсәләр, икенчедән аларны карарга, тәрбияләргә, сакларга өйрәнәләр. 

     Балалар һәр көнне гөлләрнең ничек үсеп, чәчәк атуын күзәтәләр, төпләрен йомшарталар, сулар сибәләр, матурлыкларын күреп сокланалар. Гөлләрнең тере табигать икәнен, аларны даими тәрбияләмәсәң шулай матур итеп  үсә алмаячакларына инаналар.

Пазл җыю- балаларның уйлавын, кулының шомаруын, фикер йөртү сәләтен үстерә.

Иске Төрнәле балалар бакчасында «Кошлар — безнең канатлы дусларыбыз, аларны саклау төп бурычларыбызның берсе» дигән темага  шөгыль узды.

    Безнең балалар бакчасында балаларга  экологик тәрбия биргәндә,  кошларның да ни дәрәҗәдә  әһәмиятен аңлату шулай ук төп бурычыбыз булып тора. 

   Иң беренче чиратта,  без төп шөгыльләр вакытында   матур әдәбият әсәрләре аша балаларда кошларга карата мәрхәмәтлелек, ярдәмчеллек сыйфатлары тәрбияләсәк, саф һавага чыккан вакытта кошларның үзләрен якыннан күреп,аларны танырга өйрәнәбез, кошлар турында белемнәрне ныгытабыз һәм кошларга карата сак караш тәрбиялибез.

     Ел фасылларына туры китереп, кошларга ярдәм итәбез.

    Кыш көне әтиләр ярдәме белән җимлекләр булдырсак, яз көне сыерчык оялары ясатабыз.Кыш көне балалар җимлеккә килгән песнәкләрне, чыпчыкларны, күгәрченнәрне күзәтеп, танып, аларга көнбагыш, ярма бөртекләре салып кошларны  кышкы салкында саклап калырга өйрәнсәләр, яз көне сыерчыкларның матур итеп сайрауларын ишетеп хозурланалар.

  Менә шулай итеп, безнең балалар бакчасында балаларның кошлар турында белемнәре камилләштерелә, табигатькә карата сак караш тәрбияләнә. 

Безнең бакчада пластилиннан ясалган әйберләр бик күп. Алардан ясалган күргәзмә дә бар . Бу әйберләр баларның үз куллары белән ясалган әйберләр.

Яз җитүгә җылы яклардан безнең "канатлы дусларыбыз" - кошлар әйләнеп кайталар. Дусларыбыз дип атаганбыз икән, димәк аларны шатланып, якты йөз һәм бүләкләр белән каршы алырга кирәк. Ә туган ягына әйләнеп кайткан кошларга иң яхшы бүләк - үз ояң-нигезең булу.