Юл хәрәкәте иминлеге куркынычсызлыгы темасын , төрле төрдәге тәрбияви уеннар аша өйрәнәбез. 
Имин булсын юлларыбыз,
Ак юл телик һәркемгә.
Һәлакәткә юлыкмасын,
Җир йөзендә беркемдә.

15 сентябрьдән 21 сентябрьгә кадәр "Юл хәрәкәте иминлеге атналыгы» билгеләп үтелә.
Шул уңайдан безнең балалар бакчасында да тематик чаралар, әңгәмәләр, конкурслар, уеннар ,юл билгеләрен  өйрәнү оештырылды.
Балалар юл йөрү кагыйдәләрен үзләштерәләр һәм булган белемнәрен ныгыталар. Аларны киләчәктә куркынычсыз һәм хәвефсез юллар көтсен.
 

Саф һавада хәрәкәтле уеннар.

Саф һава.
Күңелле уеннар.
Җәй балалар өчен бигрәк тә матур вакыт. Алар саф һавада йөгерсен, сикерсен, күңел ачсын өчен махсус булдырылган искиткеч вакыт. Балалар аеруча хәрәкәтле уеннарны яраталар.

Сабантуй – эчтәлекле, халыкның күңелен күрүче, борынгы әби-бабаларыбыздан ук сакланып килүче бәйрәмнәребезнең берсе. Сабантуй дус-иш, туган-тумачаларны очраштыра. Балаларда халык бәйрәмнәренә кызыксыну уяту, бәйрәмнең үзенчәлекләре белән таныштыру – безнең максатыбыз. Бүген бездә сабантуй  гөрләп узды. Балалар уеннарда бик теләп катнаштылар , җырладылар, биеделәр. Бәйрәм бик күңелле үтте.
 

Балачакта,  табигатькә походка чыкмаган бала юктыр ул.
Менә бездә бүген рюкзакларга  тэмлүшкәләр алып тәрбияче  апалар артыннан каз бәбкәләре кебек тезелеп болын, су буйларына барып, уйнап, саф һавада рәхәтләнеп ял итеп кайттык

15 май - Халыкара гаилә көне! Бу безнең һәрберебез өчен иң якын бәйрәмнәрнең берсе. Гаилә - теләсә кайсы заманда җәмгыятьнең төп байлыгы. Гаилә - ул сине яклаучы һәм саклаучы. Шушы көн уңаеннан без балалар белән бергә "Гаилә - бәхет ачкычы” дигән рәсемне асфальтка  ясадык.

9 май- Җиңү көне иң матур һәм иң изге бәйрәм дип санала.
Безнең  "Ләйсән " балалар бакчасы да бу чарадан читтә калмады. Бөек Җиңү көненә багышланган бәйрәмдә  безнең балалар шигырьләр сөйләделәр һәм тәрбияче апалары белән"Много лет без войны" дигән җырга бию биеделәр. 

"Җиңү тәрәзәләре» Бөтенроссия патриотик акциясенә безнең балалар бакчасы да кушылды.Бу акциянең максаты - Россиядә,Татарстанда иң мөһим бәйрәмнәрнең берсе атмосферасын булдыру, яшь буынга традицияләрне тапшыру, Бөек Ватан сугышы геройларына рәхмәт белдерү, вафат булган ветераннарны искә алу.