Тиздән без быелгы уңыш бәйрәме -көзге балны бәйрәм итәчәкбез.Әлеге бәйрәм уңаеннан әти-әниләр арасында конкурс игълан ителгән иде.Бу конкурста әти-әниләребез бик теләп катнаштылар.Көзге яшелчә,җиләк-җимеш уңышыннан берсеннән берсе кызыклырак кул эшләре алып килделәр.Без бакча хезмәткәрләре моның өчен әти-әниләргә бик рәхмәтле.

Бүгенге эшчәнлегебездә без табынга икмәкнең кайдан килүе турында сөйләштек.Икмәкнең безнең өстәлебезгә килгәнче никадәр озын юл үтүен,аңа күпме кешенең көче керүен белдек.Шуңа да без игенчеләрне,пешекчеләрне,сатучыларны хөрмәт итәргә ә икмәкнең валчыгын да әрәм итмәскә бурычлы.

Рәсем эшчәнлегендә без төрледән төрле матур әйберләр ясарга өйрәнүне дәвам итәбез.Бүгенге эшчәнлегебездә без Дымково колынын буяп бизәргә өйрәндек.Ә колыннарыбыз искиткеч килеп чыкты.Алдагы эшчәнлегебездә без әле тагын да матур рәсемнәр ясарбыз,әти-әниләребезне,тәрбияче апабызны сөендерербез.

Миләшләр,баланнар,гөләф җимешләре өлгергәнне песнәкләр кайдан белә икән?Алар быелгы көздә тагын кайтып җиткәннәр.Без саф һавада вакытта аларны күзәттек һәм песнәкләрне ябыштырып ясап та куйдык.Әниләребез песнәкләрне бүлмәгә дә кергәннәр дип уйласыннар әле.

Көз безне мул иген,яшелчә,җиләк-җимешләр уңышы белән сөендерде.Матурдан матур чәчәкләренә сокландырды,яңгырлы,аяз көннәре белән шатландырды.Ә без аның мул уңышыннан үзебезнең фантазияләребезне эшкә җигеп төрле кул эшләнмәләре ясадык.Б уэштә безнең беренче ярдәмчеләребез булган әти-әниләр һәрвакыттагыча башлап йөрде.Рәхмәт үзләренә!!!

Ял сәгатьләрендә без төрлечә күңел ачабыз.Җырлы-биюле уеннарның да ниндиләре генә юк бит! Бүген дә без "Яңгыр" җырлы-биюле уенын уйнап күңел ачтык.

Группада дежур тору-балаларда беренче хезмәт күнекмәләрен булдырырга, хезмәткә уңай мөнәсәбәт һәм җаваплылык хисе тәрбияләргә ярдәм итә.Балалар шулай ук тәрбияче ярдәмчесенең хезмәтен хөрмәтләргә,иптәшләренә ярдәмчел булырга да өйрәнәләр.

Безнең бурыч балаларны рус һәм татар халкының мәдәниты милли мирасы белән дә таныштырып бару.Әлеге бурычны тормышка ашыру максатыннан ,рәсем эшчәнлегендә балаларга борынгы рус халык осталары кулы белән ясалган  сыбызгы үрдәкне рәсемдә сурәтләргә тәкъдим ителде.Балалар халык уенчыгын зур кызыксыну белән сурәтләп ясадылар һәм бик матур нәтиҗәләргә ирештеләр.

Дидактик уеннарны балалар ял вакытларында даими уйныйлар.Шулар арасында мозаика белән төрле сурәтләр ясау бала өчен аеруча кызыклы һәм файдалы.Чөнки мозаика белән эш итү баланың һәрьяклап үсешен  тәэмин итәргә этәргеч ясый.Фантазия,иҗадилыкны гына үстереп калдырмый ә бармакларны ручка карандаш тотарга да әзерли.

Табигатькөз хакимлек итүен дәвам итә. Без һәрбер эшчәнлектә елның әлеге фасылы турында нинди дә булса яңалык беләбез.Бүген чираттагы яңалыкны рус теле эшчәнлегендә белдек.Көз турында русча сүзләр, уеннар,шигырьләр өйрәндек.Киләсе эшчәнлегебездә әле хикәя дә төзеп сөйләргә өйрәнербез.Шуңа да без рус теле эшчәнлекләрен көтеп алабыз.