Бүгенге әвәләү шөгелендә без әкияти җәнлекләрне әвәләп ясадык.Алар арасында "Шыксыз үрдәк бәбкәсен" дә,"Бака -патшабикәне" дә,"Аксак үрдәкне" дә очратырга мөмкин иде.

Рәсем эшчәнлегендә әкияти образларга таянып,Ш.Перроның "Кызыл калфак " әкиятеннән Кызыл калфаклы кызны сүрәтләп ясадык. Аларның һәрберсе үзенчәлекле килеп чыкты.

"Яз эшләсәң-көз ашарсың"-дигән халык мәкален истә тотып без бүген яшелчә бакчабызга яшелчә орлыклары чәчтек.Яшелчә бакчасында эшләү хезмәт күнекмәләрен үстерү белән беррәттән күзәтүчәнлек, кызыксынучанлык, хезмәт сөючәнлек кебек мөһим сыйфатлар тәрбияләргә ярдәм итә.

Гаилә ул җәмгыятьнең кечкенә генә бер күзәнәге. Гаиләләр никадәр нык булса, җәмгыятебез дә шулкадәр сәламәт була. Ир белән хатын гаиләнең нигезе,балалар исә гаиләнең көзгесе. Нигез ишелмәсен, көзге ватылмасын, тапланмасын дисәң-гаиләдә беренче чираттабер-береңне аңлау, юл куя белү, әхлак кагыйдәләрен саклау сорала. Кызганыч, бүгенге мөнәсәбәтләр күпчелек очракта киеренке.

Балаларны матбугать белән таныштырып барабыз."Салават күпере" журналының апрель санында үзебезнең бакчада үткәрелгән"Юл билгеләре иленә сәяхәт" дип исемләнгән сценарийның басылып чыгуы безнең өчен зур шатлык булды.

Бүген Арча шәһәренең 8 нче номерлы балалар бакчасында "Экологическое воспитание дошкольников в ДОУ:проблемы и перспективы" дигән темага түгәрәк өстәл артында сөйләшү оештырылды .Анда безнең балалар бакчасы тәрбиячесе дә катнашты,үзебезнең бакчадагы эшчәнлек буенча презентация күрсәтте.