Укучыларыбыз язгы каникулларны файдалы итеп үткәрәләр. Төрле ярышларда, конкурсларда актив катнашуларын дәвам итәләр. Менә бүген дә Пешәнгер мәктәбе командасы (4 нче сыйныф укучылары Котдусов Р.Р. һәм Хабибуллина А.А.) район буенча үткәрелгән шашка ярышларында нәтиҗәле  итеп катнашты. Пешәнгер мәктәбе командасы район буенча 1 нче урынга лаек булды. Ә шәхси беренчелектә Котдусов Р.Р. 2 нче урынны яулады.

Бүген Пешәнгер мәктәбе укучылары (Низамова А., Гайнетдинов И., Сәләхетдинва Н., Касыймова З.) район күләмендә уздырылган "Разукрасим мир стихами" шигырь бәйгесендә унышлы чыгыш ясадылар. 4 нче сыйныф укучысы Низамова А. 1 нче урынга лаек булды.

Пешәнгер башлангыч мәктәбе укучылары КФХ Низамов И.Р. гаилә фермасында экскурсиядә булдылар.

Укучылар "Китапка икенче тормыш бүләк ит!" акциясендә катнаштылар

Укучылар тәнәфесләрдә шашка-шахмат уеннары уйныйлар. Алар шулай язгы каникулларда оештырылачак ярышларга әзерләнәләр.

Бүген балалар бакчасы тәрбиячеләре Магсумова Г.Х. һәм Асхадуллина М.Ф.әти-әниләр каршында балалар белән ачык шөгыльләр үткәрделәр. Соңыннан, җыелыш өлешендә, балаларны тәрбияләүгә кагылышлы мәсьәләләр каралды.

Эшче һөнәрләр елы кысаларында балалар бакчасында тәрбияләнүчеләр авыл китапханәсендә экскурсиядә булдылар. Китапханәче Сабирзянова Р.Н. балаларны үзенең эш урыны, үз һөнәренең асылы белән, нәниләр өчен яңа китаплар белән таныштырды. 

3 нче сыйныф укучысы Фазуллина И. "Без бергә" фестивалендэ "Вокал" номинациясендә чыгыш ясады. 

Эшче һөнәрләр елы кысаларында Пешәнгер башлангыч мәктәбе укучылары Пешәнгер авылының медпунктында экскурсиядә булдылар. Медсестра Е.А. укучыларны үзенең эш урыны, үз һөнәренең нечкәлекләре белән балаларга аңлаешлы итеп таныштырды.

Пешәнгер башлангыч мәктәп-балалар бакчасы укучылары ГТОның кышкы сессиясен уңышлы тапшырдылар.