Бүген балалар бакчасында “Туган көн бәйрәме” дип исемләнгән күңел ачу чарасы булып узды. Туган көн бәйрәменә Карсылу, Яз кызы, Җәй кызы һәм Көзбикә (рольләрдә 3-4 сыйныф кызлары) килде. Алар, үз айларында туган һәр балага, бүләкләр дә алып килделәр. Нәниләр рәхәтләнеп күңел ачтылар: җырладылар, биеделәр, шигырьләр сөйләделәр, төрле уеннар уйнадылар. Әлеге чараны тамаша кылырга мәктәп укучылары да кергән иде. 

Бүген балалар бакчасындагы  нәниләребез белән  "Домашние животные" темасына рус теленнән сөйләм үстерү эшчәнлеге оештырылды.    

      Сталинград сугышы 1943 елның 2 февралендә совет гаскәрләренең җиңүе белән тәмамлана. Әлеге көнгә багышланган мәктәпкүләм тәрбия сәгате үткәрелде. Укытучы Лотфуллина Г.Х. укучыларга халкыбызның Сталинград оборонасы барышындагы кылган батырлыклары турында, бу җиңүнең Бөек Ватан сугышында хәлиткеч роль уйнавы турында сөйләде.

"Башлангыч сыйныфлар атналыгы"  кысаларында ачык дәресләр бирү дәвам итә. Бүген укытучы Галәүтдинова И.Р. 1 нче һәм 3 нче сыйныфларда әйләнә-тирә дөнья фәненнән дәрес күрсәтте. 1 нче сыйныфлар дәрестә Кырмысканың "Кайчан җәй җитә?" соравына җавап эзләп, ел әйләнәсе, ел фасыллары, ел фасылларына караган айлар, аларның эзлеклелеген өйрәнделәр. 3 нче сыйныфлар хәтәр урыннарда куркынычсызлык кагыйдәләрен үзләштерделәр.

Январь аенда башлангыч сыйныф укучылары барлык фәннәрдән дә дәреслекләрнең 2 нче өлешләре белән тәэмин ителделәр. Дәреслекләр мәктәп милке булып санала. 31 январь  көнне  шушы дәреслекләрнең  торышы   тикшерелде. Рейд нәтиҗәләреннән күренгәнчә, укучыларыбыз  дәреслекләрен, дәфтәрләрен  тышлап, чиста-пөхтә йөртәләр, расписание буенча барлык дәреслекләре дә бар. Китапларны саклап тотыйк, чөнки  алар  белем  чыганагы.

Бүген,  "Башлангыч сыйныфлар атналыгы" кысаларында, укытучы Кутдусова Г.М.  2 нче һәм 4 нче классларда әйләнә-тирә дөнья фәне буенча ачык дәрес күрсәтте. 4 нче сыйныф укучылары иң зур сизү органы - тиренең төзелешен өйрәнделәр, төрле тәҗрибәләр аша тиренең кеше өчен әһәмиятле орган булуын ачыкладылар. 2 нче сыйныфларда  "Сәламәт яшим дисәң" темасы буенча дәрес үткәрелде. Укучылар көндәлек режим, дөрес туклану, шәхси гигиенага кагылышлы сорауларга җавап бирделәр. 

Күтәренке күңел белән

Уйныйбыз саф һавада.

Бездәгедәй матур кышлар

Юктыр ул беркайда да.

Балалар бакчасында тәрбияләнүче нәниләр саф һавага чыгу вакытларын көтеп алалар. Тәрбияче Магсумова Г.Х., һава шартлары рөхсәт иткәндә, көндәлек режимның әлеге өлешен кызыклы һәм сәламәтлек өчен файдалы итеп оештыра.

Бүген, Ленинград блокадасы өзелүгә багышланган, мәктәпкүләм политинформация сәгате булып узды.  Педагог-организатор Лотфуллина Г.Х. укучыларны Ленинград өчен барган сугыш турындагы тарихи мәгълүматлар белән таныштыруын дәвам итте. Укучыларның 27 нче январь көнне туры эфирдан  Ленинград блокадасы өзелүенең 75 еллыгына багышланган парадны, әлеге тарихи вакыйгага багышланган документаль фильмны караганнары ачыкланды. Алар буенча фикер алыштылар. 

25 января 2019 года с 12:30 по14:00 состоится Республиканский родительский интернет-семинар "Здоровье и безопасность ребёнка".  Онлайн-трансляция на сайте киу-рф. Задайте свой вопрос по адресу roditelirt@mail.ru