Бүген  ел башыннан төрле конкурсларда катнашкан укучыларыбызга дипломнар һәм грамоталар тапшырып үттек.

Закирҗанова Гөлинә, 4 нче класс, коррупциягә каршы юнәлеш буенча башкарылган иҗади эшләр конкурсында 3 нче дәрәҗәдәге диплом, Галаветдинова Гөлфия,4 нче класс, "Зирәк бала" конкурсында катнашып  диплом,

Хабибуллина Гөлия, 4 нче класс, Олимпиада "Плюс" үткәргән математика буенча он-лайн олимпиадада уңышлары өчен диплом белән бүләкләнә.

Бүген безнең балалар бакчасына һәм мәктәпкә кунаклар килде: Арча эчке эшләр бүлегенең өлкән участок вәкиле полиция майоры Хисамиев Ленар Альтафович һәм  Арча ЮХИДИ бүлеге вәкиле Мухаметзянова Энҗе Газизовна.   Кунакларга балалар бакчасына йөрүче өлкәннәр төркеме "Светофор - якын дустыбыз" дип әзерләнгән чара тәкъдим итте. Ә мәктәп укучылары "Юлда булсаң, бул өлгер, юл йөрү кагыйдәсен нык бел!" дип исемләнгән  викторинада катнаштылар. Әлеге чаралар юл йөрү кагыйдәләрен искә төшерү, кабатлау һәм күпмедер дәрәҗәдә яңа белем туплау максаты белән үткәрелде.  Мәртәбәле кунакларыбыз   укучыларга һәм балаларга, мәктәбебезгә зур бүләкләр тапшырдылар, аларга бик зур рәхмәтебезне белдерәбез. Барыбызга да юл йөрү кагыйдәләрен төгәл үтәп, юлларда исән-имин йөрергә язсын!

Арчадан кигән кунаклар истәлекле бүләкләр тапшырдылар.

Март ае мәктәбебездә юл йөрү кагыйдәләрен кабатлау һәм тирәнтен өйрәнү айлыгы итеп игълан ителгән иде. Укучыларга юл йөрү кагыйдәләренә нигезләнеп,  рәсемнәр ясарга кушылды. Әлеге рәсемнәрдән  күргәзмә оештырылды.

Йолдызларга тиң үзләре, гүзәлләрнең гүзәле,

Миңа һәрчак сөеп карый әниемнең күзләре.

Энҗе-мәрҗәннәр диярсең - янып тора үзләре,

Миңа һәрчак бәхет тели әниемнең күзләре.

Балалар бакчасына йөрүче нәниләр әниләренә менә нинди бүләк ясады.

Котдусова Гөлназ Муллануровна җитәкчелегендә 1-4 сыйныф укучылары  күренекле татар халык шагыйре Габдулла Тукайның 130 еллыгына багышланган "Тукайга ияреп" районара яшь иҗатчылар бәйгесенең "Заманчалаштыру һәм сәхнәләштерү" номинациясендә 2нче урынга лаек булдылар. Укучыларыбызны һәм җитәкчеләрен чын күңелдән котлыйбыз, киләчәктә яңа үрләр яуларга язсын!

 Укучыларыбыз хезмәт дәресләрендә һәм дәрестән соң иң кадерле кешеләренә - әниләренә  бүләк ясау белән мәшгуль. Бөтен йөрәк җылысын салып, үз кулларың белән ясалган бүләк бик тә кадерле булыр.

Балалар бакчасына йөрүчеләр  бик тырышып юл йөрү кагыйдәләрен өйрәнәләр. Һәрбер кеше кече яшьтән юл йөрү кагыйдәләрен аңлап, төшенеп калырга тиешлеген яхшы аңлыйлар алар.

Балалар бакчасында мәктәпкә әзерлек төркеменә йөрүчеләр рус теле шөгылендә "Транспорт" темасын үтәләр. Алар, дәүләт теле булып торган рус телендә, камил дәрәҗәдә сөйләшергә өйрәнәләр.

Мәктәптә Габдулла Тукайның 130 еллыгына карата бик күп чаралар үтә. Бүген дә Гөлназ Муллануровна җитәкчелегендә укучылар әзерләгән "Кәҗә белән сарык" әияте сәхнәләштерелеп балалар бакчасына йөрүчеләр игътибарына тәкъдим ителде.  Әкиятне караганнан соң, Илүзә Рифовна балалар белән  әңгәмә үткәрде.  Балаларның  җавабыннан күренгәнчә, әкиятнең тәрбияви максаты тормышка ашырылды.