Балалар бакчаксында әнә шундый темага сөйләшүләр узды бүген. Балалар гаилә, аның кыйммәтләре, кадере һәм мөһимлеге турында сөйләштеләр. Сөйләшү барышында аларның гаиләләрен ихластан яратулары, кадерләүләре ачыкланды. Шулай ук гаиләгә багышланган җырлар җырланды, шигырьләр укылды.  Гаиләләренә багышланган рәсемнәр конкурсын игълан иткәч тә, алар бик сөенделәр.

Бүген 4 нче класс укучылары рус теленнән эшнең икенче өлешен эшләделәр. Алда тагын математика һәм әйләнә-тирәдән тикшерү эшләре көтелә. Тикшерү эшләрендә бары тик мәктәптә өйрәнелгән темалар буенча гына биремнәр булачак. Шуңа күрә, бары да яхшы булыр!

Балалар бакчалары арасында махсус машиналарны ясау буенча конкурс игълан ителгән иде. Безнең тәрбиячебез Нигметзянова Л.Г.  балалар белән янгын сүндерүче машинаны ясарга булдылар.  Шәп килеп чыккан! Бөтен кеше кызыгырлык!

Әй, чабабыз, йөгерәбез,

Аяклар җиргә тими.

Ләкин барыбер егетләр 

Беренчелекне бирми.

 Балалар бакчасындагылар "Хәрәкәттә бәрәкәт" девизы астында җәяүле йөгеректә.

Бүген балалар бакчасындагы нәниләр яшелчә бакчасына экскурсия оештырдылар. Түтәлләрдә нәрсәләр утыртылуын, ничек үсүләрен, үсемлекләрнең тишелеп чыгуы өчен нинди шартлар кирәк булуын кызыксынып өйрәнделәр.

Иртәгә 11 нче май көнне 4 нче класс укучылары рус теленнән диктант язачаклар. Диктант икенче дәрес вакытында язылачак.  Укучыларыбызга уңышлар телибез!

Кирәкми безгә кан кою, 

Кирәкми безгә сугыш!

Безнең теләк якты, матур,

Тыныч хезмәт һәм тормыш.

Бөек Җиңүгә 71 ел! Илебез азатлыгы өчен көрәшкән солдатларны онытмыйк! Пешәнгер авылында  укучылар һәм мәктәп коллективы тарафыннан мемориаль тактага  венок куелды.

Мирҗәм авылында   Бөек Ватан сугышында корбан булганнар истәлегенә венок куелды.

Сугыш ялкыны безнең дөньяны 

Чолгап алмасын яңадан.

Сакла, сакла тынычлыкны,

Дан тынычлыкка, дан,дан,дан!

Бүген 4 нче классның 7 укучысы өчен  күптәннән көтелгән вакыйга -- Варислар сафына кабул итү булды. Укучылар әлеге вакыйгага бик теләп, тырышып әзерләнделәр. Бүген алар Татарстанның лаеклы гражданиннары булырга ант иттеләр. Аларны әлеге зур вакыйга белән котлыйбыз!  Киләчәктә халкыбызның йөзенә кызыллык китермичә яшәүләрен телибез!

Балалар бакчасында мәктәпкә әзерлек төркемендә тәрбияләнүче  Гайнетдинов Илшат һәм Фазуллина Инзилә Арча шәһәренә "Каблучок" бию конкурсында җиңү яулап кайттылар.  Җитәкчеләре Нигмәтҗанова Л.Г. һәм балаларны чын күңелдән котлыйбыз, киләчәктә иҗат уңышлары телибез!