Бүген 4 нче класс укучысы Касыймова К.Ф. районкүләмендә үткәрелгән "Яшәү иминлеге нигезләре" фәненнән олимпиадада катнашып кайтты.

Кичә авылыбызның мәдәният йортында укучыларыбыз Әниләр көненә багышлап концерт куйдылар. Бию түгәрәге җитәкчесе Нотфуллина Р.Р өйрәткән биюләр әниләребез, әбиләребез күңеленә хуш килде.

Бүген балалар бакчасы иң газиз кешеләр-әниләрне үзенә кунакка җыйды.  Нәниләребез әниләренә үзләренең осталыкларын күрсәттеләр.  Әниләр дә кичәдә үзләренең бик актив булуларын исбатладылар. Балалары ясаган бүләкләрне кабул итеп  алу һәр әни өчен зур куаныч.

Бүген башлангыч сыйныф укучыларының әниләре "Әнием - күңелем кояшы" исемле кичәгә җыелды.  Бәйрәм балаларның концерт номерлары һәм әниләр арасындагы бәйгеләр белән үрелеп барылды. Укучылар үзләре иҗат иткән шигырьләрен сөйләп,  кадерле кешеләренә бүләкләрен тапшырдылар.

Министерство образования и науки Республики Татарстан сообщает, что  на Портале государственных и муниципальных услуг реализована возможность получения услуги «Назначение основной и дополнительной компенсации части родительской платы за присмотр и уход за ребенком в образовательных организациях, реализующих образовательную программу дошкольного образования». 

Бүген 2 сыйныф укучыларын "Карлыгачлар" сафына кабул итеп алдык. Укучылар төрле бәйгеләр аша үзләренең зирәклекләрен, тапкырлыкларын күрсәттеләр. "Карлыгачлар"ның кагыйдәләрен үтәргә сүз бирделәр. Яшь "Карлыгачлар"ыбызга уңышлар телибез!

Мәктәбебез укучылары алда үткәреләчәк шашка ярышларына бүгеннән үк әзерләнә башладылар. Түгәрәкләрдә башлангыч сыйныф укучыларыбыз бер-берләре белән көч сынашалар, яңа алымнар өйрәнәләр. 

Бүген мәктәп-балалар бакчасында ата-аналар җыелышы булып үтте. Иң беренче гомуми җыелышта уку елының  1 нче чиреге буенча уку һәм тәрбия эшләренә анализ ясалды, киләсе чирекккә яңа максат һәм бурычлар белән таныштырылды. Котдусов Р,Ф.  әти-әниләрне дә ГТО нормаларын үтәү тәртипләре белән якыннан таныштырды.  Җыелышның икенче өлеше класс җитәкчеләре белән классларда дәвам итте.

Ашытбаш урта мәктәбендә оештырылган республикакүләм шахмат ярышларында безнең мәктәбебездән дә укучылар актив катнашты.  Галаветдинова А. башлангыч сыйныф укучылары арасында 3 нче урынны яулады.

Балалар бакчасында укучыларга милли уеннарга зур игътибар бирелә. Нәниләр җырлы-биюле татар халкының милли уеннарын бик теләп өйрәнәләр.