"Надо жить честно!" конкурсына укучыларыбыз тарафыннан бик күп эчтәлекле эшләр килде. Иртәгә конкурс төгәлләнәчәк, мәктәпкүләм этапта җиңүчеләр билгеле булачак.

Татарча да яхшы бел, 

Русча да яхшы бел.

Икесе дә безнең өчен 

Иң кирәкле затлы тел.

   Бүген мәктәпкә әзерлек төркемендә тәрбияләнүче  балалар "Осень" темасына рус телендә яңа сүзләр  өйрәнделәр, рәсемнәр буенча җөмләләр төзеп сөйләделәр.

 Бүген  дәресләрдән  соң  укучылар  мәктәп  тирәсендәге  территорияне  яшелләндерү   эшләрен  дәвам иттеләр: утыздан артык чыршы үсентесе утырттылар.

Зурлар һәм мәктәпкә әзерлек төркемнәрендә тәрбияләнүче балалар эшчәнлек вакытында үзләрен чын укучыларча тоталар. Тәрбияче апаларын игътибар белән тыңлыйлар, сорауларга  уйлап  җавап бирәләр, биремнәрне бик тырышып  башкаралар.

Бүген мәктәбебездә "Үз агачыңны утырт" акциясе булып узды. Һәр укучы мәктәп тирәсендә агач утыртты. 1 нче класс аллеясы булдырылды. Бу эштә әти-әниләр дә актив катнашты.

 18 нче октябрьгә  кадәр 3-7 яшьлек балалар өчен районкүләм "Осенний  калейдоскоп"  конкурсы оештырылды. Әти-әниләр, сезнең дә балалар бакчасына йөрүче нәниләрегезне шул конкурста  катнаштыру  мөмкинлегегез бар. Нигезләмәсе белән танышу өчен тәрбиячеләргә мөрәҗәгать итә аласыз. 

5 нче октябрьгә кадәр мәктәбебездә "Намуслы яшәргә кирәк!." , ягъни "Надо жить честно!" конкурсы оештырыла. Бу конкурста катнашу өчен рәсем, коллаж яки аппликация ясарга мөмкин. Җиңүчеләрнең эшләре районкүләм конкурста катнашачак. Актив булыйк, укучылар!

Мәктәбебездә өлкәннәр көненә зур әзерлек бара. Укучыларыбыз әби -бабайларына открыткалар, истәлекле бүләкләр әзерлиләр. 

Нәниләргә иң кызыгы-

Әкиятләр тыңлавы.

Бигрәк күңелле була -

Чын курчаклар уйнавы.

Бакчадагы иң нәни сабыйлар тәрбияче апалары әкиятләрне курчаклар уйнап, күрсәтеп сөйләгәннәрен бигрәк тә кызыксынып тыңлыйлар.

Балалар бакчасында тәрбияләнүче балалар тәрбияче апалары белән көзке табигатькә экскурсиягә чыктылар. Бакчадагы җиләк-җимеш агачларындагы үзгәрешләрне, аларның кышка әзерләнүләрен күзәттеләр.