Мемориаль такта ачу тантанасы

   Апаз урта мәктәбебезнең тарихы бик бай. Тарих эзлэре буйлап китсәк, мәктәбебез белән күп кенә күренекле шәхесләрнең язмышы бәйләнгәнен күрәбез. Шундыйларның берсе -  Арча районының Мирҗәм авылында туып үскән Советлар Союзы Герое Сафин Нәкыйп Сафа  улы. Аның да язмышы безнең мәктәпкә барып тоташкан икән. Нәкыйп ага Мирҗәм авылында башлагыч белемне алганнан соң, 1932-1935 елларда Апаз җидееллык мәктәбендә белем алган.  7 май көнне шушы бөек шәхескә “1932-1935 елларда Апаз мәктәбендә укыды” дигән мемориаль такта ачу тантанасы үтте. Тантанада авыл җирлеге башлыгы, күмәк хуҗалыгы җитәкчеләре укучылар, укытучылар, авылдашлары катнашты. Кызганычка карша уллары Данил, Дамир, кызы Роза әлеге тантанада катнаша алмады.

#ПОБЕДНАЯВЕСНА#ҖИҢҮЯЗЫ#ВЕНОК

#ПОБЕДНАЯВЕСНА #ҖИҢҮЯЗЫ#НИКТО НЕ ЗАБЫТ НИЧТО НЕ ЗАБЫТО

Тирә-якны җыештырабыз,бакчада эшлибез

   Яз җитү белән күңел тышка ашкына башлый. Мәктәп укучыларының да классларда утырасылары килми. Тик шулай да алда әле имтиханнар көтә, шүңа күрә вакытны дөрес итеп бүлергә тырышабыз: уку белән эшне чиратлаштырабыз.

#Җиңү язы акциясенә старт

   1-9 май көннәрендә район буенча "Победная весна" "Җиңү язы" акцияләре игълан ителде. Әлеге акцияләрдән без дә читтә калмыйбыз. План буенча куелган чараларда актив катнашабыз. Инстаргам, в контакте социаль челтәрләренә эшләгән эшләребезне урнаштырабыз.

С праздником Весны и Труда!

Фатих Саубанович белән очрашу

   Бүген Апаз мәктәбендә - очрашу. Россия Дәүләт Думасы депутаты Фатыйх Саубанович Сибгатуллин мәктәп укучылары һәм укытучылары белән очрашуга кайтты. Очрашуда район башлыгы Илшат Нуриев, хуҗалык җитәкчесе Мансур Әхмәтов һәм Апаз авыл җирлеге башлыгы Ринат Садыйков та катнашты.Очрашу бик җылы атмосферада барды. Фатих Сибагатуллин укучыларга үзенең үткәндәге төрле вакыйгалары турында сөйләде, киңәшләр бирде, авылның киләчәге алар кулында булуын да ассызыклады. Бүләк итеп үзе иҗат иткән китапларын калдырды. Очрашу кичәсе һәркемгә файдалы һәм күңелгә кереп кала торган булды.

      "Туган тел" - 2016 бәйгесе

     Бүген сәнгать мәктәбендә татар теле укытучылары арасында «Татар теле укытучысы-2016» бәйгесе булды. Анда район мәктәпләренең иң көчле 13 укытучысы осталыкта сынашты.Конкурсантлар берсеннән-берсе көчле эрудицияле иде.Әлеге бәйгедә безнең мәктәбебезнең татар теле һәм әдәбияты укытучысы Якупова А.Р. да катнашты.Беренче тапкыр гына катнашса да, ул сынатмады һәм 3 урынны яулады.Хезмәттәшебезне уңышы белән котлыйбыз!

Г.Тукай тууга - 130 ел